വ്യാജ ഇ– സിഗരറ്റ് ശേഖരവുമായി കാഞ്ഞൂരിൽ ഒരാൾ പിടിയിൽ
![ernakulam-e-cigeratte കാഞ്ഞൂരിലെ വാടക വീട്ടിൽ നിന്ന് കസ്റ്റംസ് പ്രിവന്റീവ് വിഭാഗം പിടിച്ചെടുത്ത വ്യാജ ഇ സിഗരറ്റുകൾ.](https://img-mm.manoramaonline.com/content/dam/mm/mo/config-assets/mo-default.jpg?w=1120&h=583)
Mail This Article
×
കാഞ്ഞൂർ∙ വ്യാജ ഇ– സിഗരറ്റുകളുടെയും കഞ്ചാവ് പൊതിയാൻ ഉപയോഗിക്കുന്ന റാപ്പറുകളുടെയും വൻ ശേഖരം കാഞ്ഞൂരിൽ കണ്ടെത്തി. കസ്റ്റംസ് പ്രിവന്റീവ് വിഭാഗം നടത്തിയ റെയ്ഡിലാണ് ഈ അനധികൃത ശേഖരം പിടിച്ചെടുത്തത്. കാഞ്ഞൂർ പള്ളിക്കു സമീപമുള്ള വാടകവീട്ടിലാണ് ഇവ ശേഖരിച്ചിരുന്നത്.
ഒരു ലക്ഷത്തോളം ഇ– സിഗരറ്റ് പായ്ക്കറ്റുകൾ ശേഖരത്തിലുണ്ടെന്നു കസ്റ്റംസ് ഉദ്യോഗസ്ഥർ പറഞ്ഞു. ഇതിനു 10 ലക്ഷത്തോളം രൂപ വിലമതിക്കും. വിവിധ ബ്രാൻഡഡ് കമ്പനികളുടെ അതേ രൂപത്തിലുള്ള വ്യാജ പതിപ്പുകളാണ് ശേഖരത്തിലുള്ളത്.
ഇതുമായി ബന്ധപ്പെട്ട് ഒരാൾ കസ്റ്റംസിന്റെ കസ്റ്റഡിയിൽ ആയി. 2 പേർക്കു വേണ്ടി അന്വേഷണം നടത്തുന്നു. 3 പേരും പ്രദേശവാസികളാണെന്നാണു സൂചന. വലിയ ശൃംഖലയുടെ ചെറിയ രൂപം മാത്രമാണ് കാഞ്ഞൂരിൽ കണ്ടെത്തിയതെന്ന് സംശയിക്കുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.