എറണാകുളം ജില്ലയിൽ ഇന്ന് (20-11-2024); അറിയാൻ, ഓർക്കാൻ
Mail This Article
അധ്യാപക ഒഴിവ്
കുട്ടമശേരി എച്ച്എസ്
ആലുവ∙ കുട്ടമശേരി ഗവ. ഹൈസ്കൂളിൽ സോഷ്യൽ സയൻസ് അധ്യാപക ഒഴിവ്. കൂടിക്കാഴ്ച നാളെ 10.30ന്.
നാളെയും മറ്റന്നാളും ജല വിതരണം തടസ്സപ്പെടും
പെരുമ്പാവൂർ ∙ കെ.ഹരിഹരയ്യർ റോഡിൽ പുതിയ ജലവിതരണ പൈപ്പ്‌ലൈൻ സ്ഥാപിക്കുന്നതിനാൽ നാളെയും മറ്റന്നാളും(21,22) പെരുമ്പാവൂർ നഗരത്തിൽ ശുദ്ധജല വിതരണം തടസ്സപ്പെടും.
വാട്ടർ ചാർജ് കുടിശിക; വിഛേദിക്കൽ തുടങ്ങി
കോതമംഗലം∙ ജല അതോറിറ്റി സബ് ഡിവിഷൻ ഓഫിസ് പരിധിയിൽ വാട്ടർ ചാർജ് കുടിശികയുള്ളവരുടെ കണക്‌ഷൻ വിഛേദിക്കൽ തുടങ്ങി. തുക അടച്ചു ഡിസ്കണക്‌ഷൻ നടപടികളിൽ നിന്ന് ഒഴിവാകണമെന്ന് അസി. എക്സിക്യൂട്ടീവ് എൻജിനീയർ അറിയിച്ചു.
ഇൻഷുറൻസ് ക്യാംപ് ഇന്ന്
പിറവം∙പ്രധാനമന്ത്രി സുരക്ഷാ യോജന പദ്ധതിയിൽ രാമമംഗലം പഞ്ചായത്തിൽ ഗുണഭോക്താക്കൾക്കുള്ള ഇൻഷുറൻസ് ക്യാംപ് ഇന്ന് 10നു പഞ്ചായത്ത് ഹാളിൽ നടക്കും. ബാങ്ക് പാസ് ബുക്ക്, ആധാർ കാർഡ് എന്നിവ കരുതണം. 94479 71450.
അപേക്ഷ ക്ഷണിച്ചു
കൊച്ചി ∙ സിഎംഎഫ്ആർഐയിൽ പ്രൊജക്ട് അസോഷ്യേറ്റിന്റെ ഒരു ഒഴിവിലേക്ക് കരാർ നിയമനത്തിന് അപേക്ഷ ക്ഷണിച്ചു. കേന്ദ്ര ബയോടെക്നോളജി വകുപ്പിന്റെ ധനസഹായത്തോടെ നടത്തുന്ന ഗവേഷണ പ്രോജക്ടിലാണ് ഒഴിവ്. ഡിസംബർ ഒന്നു വരെ അപേക്ഷിക്കാം. വിവരങ്ങൾ വെബ്സൈറ്റിൽ: www.cmfri.org.in.