എറണാകുളം ജില്ലയിൽ ഇന്ന് (24-11-2024); അറിയാൻ, ഓർക്കാൻ

അധ്യാപക ഒഴിവ്
കവളങ്ങാട് എച്ച്എസ്എസ്
കോതമംഗലം∙ കവളങ്ങാട് സെന്റ് ജോൺസ് ഹയർ സെക്കൻഡറി സ്കൂളിൽ ബോട്ടണി ജൂനിയർ അധ്യാപക ഒഴിവ്. 28നു മുൻപ് അപേക്ഷിക്കണം. managerstjohns9@gmail.com, 99951 09081.
പറവൂർ ഗവ.എച്ച്എസ്എസ്
പറവൂർ ∙ ഗവ.ബോയ്സ് ഹയർസെക്കൻഡറി സ്കൂളിൽ എച്ച്എസ്ടി ഹിന്ദി അധ്യാപക ഒഴിവ്. കൂടിക്കാഴ്ച നാളെ 11ന്.

സൗദിയിൽ ഡോക്ടർ ഒഴിവ്
തിരുവനന്തപുരം∙ സൗദി അറേബ്യയിലെ ആരോഗ്യ മന്ത്രാലയത്തിലേക്കു വിവിധ സ്പെഷ്യൽറ്റികളിൽ കൺസൽറ്റന്റ്/സ്പെഷലിസ്റ്റ് ഡോക്ടർമാരുടെ ഒഴിവുകളിലേക്കു നോർക്ക റൂട്സ് റിക്രൂട്മെന്റ് 2024ന് ഡിസംബർ 10 വരെ അപേക്ഷിക്കാം. വിവരങ്ങൾക്ക്: 04712770536,539,540,577 (പ്രവൃത്തി ദിനങ്ങളിലെ ഓഫിസ് സമയം), 24 മണിക്കൂറും പ്രവർത്തിക്കുന്ന നോർക്ക ഗ്ലോബൽ കോൺടാക്ട് സെന്ററിന്റെ ടോൾ ഫ്രീ നമ്പർ:1800 4253939 (ഇന്ത്യയിൽനിന്ന്), +918802012345 (വിദേശത്തുനിന്ന്, മിസ്ഡ് കോൾ സർവീസ്).

ട്രേഡ്സ്മാൻ 
കോതമംഗലം∙ ചേലാട് ഗവ. പോളിടെക്നിക്കിൽ കംപ്യൂട്ടർ എൻജിനീയറിങ് ട്രേഡ്സ്മാൻ ഒഴിവ്. കൂടിക്കാഴ്ച നാളെ 11ന്. 0485 2570287.

ചികിത്സാ ക്യാംപ് 
ആലങ്ങാട് ∙ തിരുവാലൂർ എൻഎസ്എസ് കരയോഗം, പറവൂർ റോട്ടറി ക്ലബ്, ഗിരിധർ കണ്ണാശുപത്രി എന്നിവരുടെ നേതൃത്വത്തിൽ സൗജന്യ നേത്രചികിത്സാ ക്യാംപ് നടത്തി. ലോട്ടറി ക്ലബ് അസി. ഗവർണർ മോഹൻകുമാർ ഉദ്ഘാടനം ചെയ്തു. പരിപാടിയുടെ ഭാഗമായി സൗജന്യ കണ്ണട വിതരണം നടത്തി. ക്ലബ് പ്രസിഡന്റ് എസ്.പ്രേംകുമാർ, സെക്രട്ടറി അനീഷ് കുമാർ,  കരയോഗം സെക്രട്ടറി പി.സുരേഷ്, വൈസ് പ്രസിഡന്റ് ടി.വി.മധുസൂദനൻ, വനിതാ സമാജം സെക്രട്ടറി ശ്രീകല മധു, പഞ്ചായത്ത് അംഗം വിജി സുരേഷ് എന്നിവർ പ്രസംഗിച്ചു.

പ്യൂൺ  എഴുത്തുപരീക്ഷ
വൈപ്പിൻ∙ നായരമ്പലം സഹകരണ ബാങ്കിൽ പട്ടിക ജാതി – വർഗ വിഭാഗത്തിലെ ഉദ്യോഗാർഥികൾക്കായി സംവരണം ചെയ്തിട്ടുള്ള  2 പ്യൂൺ തസ്തികയിലേക്ക് നിയമനം നടത്തുന്നതിനുള്ള എഴുത്തു പരീക്ഷ 30ന് രാവിലെ 10.30 ന് മംഗല്യ ഓഡിറ്റോറിയത്തിൽ  നടക്കും. ഹാൾ ടിക്കറ്റ് ലഭിക്കാത്തവർ ബാങ്കുമായി ബന്ധപ്പെടണമെന്ന് സെക്രട്ടറി അറിയിച്ചു.

ആശാ  വർക്കർ  ഒഴിവ്
കോതമംഗലം∙ നഗരസഭാ 20–ാം വാർഡിൽ ആശാ വർക്കർ ഒഴിവ്. കൂടിക്കാഴ്ച ഡിസംബർ 2നു 11നു നഗരസഭാ ഓഫിസിൽ. 0485 2822160.