അകം നിറഞ്ഞ് അക്ഷരചൈതന്യം; അറിവിന്റെ ലോകത്തേക്ക് ആദ്യാക്ഷരം കുറിക്കാൻ കുരുന്നുകൾ

അടിമാലി ∙ അറിവിന്റെ ലോകത്തേക്ക് ആദ്യാക്ഷരം കുറിക്കാൻ അടിമാലി മേഖലയിലെ വിവിധ ക്ഷേത്രങ്ങളിൽ ഒട്ടേറെ കുരുന്നുകൾ എത്തി. അടിമാലി ശാന്തഗിരി മഹേശ്വര ക്ഷേത്രത്തിൽ നടന്ന c ചടങ്ങുകൾക്ക് മേൽശാന്തി അജിത് മഠത്തുംമുറി മുഖ്യ കാർമികത്വം വഹിച്ചു. ക്ഷേത്രം ഭാരവാഹികളായ ദേവരാജൻ ചെമ്പോത്തിങ്കൽ, ടി.പി അശോകൻ, എസ്. കിഷോർ എന്നിവർ നേതൃത്വം നൽകി.

∙ചാറ്റുപാറ സരസ്വതീ മഹാദേവ ക്ഷേത്രത്തിൽ നടന്ന വിദ്യാരംഭ ചടങ്ങുകൾക്ക് ക്ഷേത്രം മേൽശാന്തി ജോഷി നാരായണൻ മുഖ്യ കാർമികത്വം വഹിച്ചു. ഇതോടനുബന്ധിച്ച് സരസ്വതീ പൂജ, ശിവപൂജ, വിശേഷാൽ ദീപാരാധന എന്നിവയും നടന്നു.

∙ ആനച്ചാൽ അയ്യപ്പ ക്ഷേത്രത്തിൽ നടന്ന വിദ്യാരംഭ ചടങ്ങുകൾക്ക് വിശ്വനാഥൻ നമ്പൂതിരി മുഖ്യ കാർമികത്വം വഹിച്ചു. ഇതോടൊപ്പം പ്രത്യേക പൂജകളും, പ്രാർഥനയും നടന്നു.

∙മാങ്കടവ് ദേവീക്ഷേത്രത്തിൽ നടന്ന വിദ്യാരംഭ ചടങ്ങുകൾക്ക് ക്ഷേത്രം മേൽശാന്തി കൈപ്പള്ളി ഇല്ലം സുരേഷ് നമ്പൂതിരി, വിശ്വനാഥൻ നമ്പൂതിരി എന്നിവർ കാർമികത്വം വഹിച്ചു.

∙ആയിരമേക്കർ കല്ലമ്പലം ദേവീ ക്ഷേത്രത്തിൽ നടന്ന വിദ്യാരംഭ ചടങ്ങുകൾക്ക് ക്ഷേത്രം മേൽശാന്തി സന്ദീപ് നമ്പൂതിരി കാടമറുകുമന കാർമികത്വം വഹിച്ചു. ഇതോടൊപ്പം വിദ്യാഗോപാല മന്ത്രാർച്ചന, പ്രത്യേക പൂജകൾ എന്നിവയും നടന്നു.