കെഎസ്ആർടിസി എൻക്വയറി ഓഫിസ് അടച്ചുപൂട്ടി
Mail This Article
×
അടിമാലി ∙ മൂന്നാർ സബ് ഡിപ്പോയുടെ കീഴിൽ അടിമാലി ബസ് സ്റ്റാൻഡിൽ തുറന്ന കെഎസ്ആർടിസി എൻക്വയറി ഓഫിസ് അടച്ചുപൂട്ടി. ജീവനക്കാർ ഇല്ലാത്തതാണ് അടച്ചുപൂട്ടലിൽ എത്തിച്ചത്. 6 മാസം മുൻപാണ് എൻക്വയറി ഓഫിസ് തുറന്നത്. വിവിധ പ്രദേശങ്ങളിൽനിന്ന് അടിമാലി പ്രൈവറ്റ് സ്റ്റാൻഡിൽ എത്തുന്ന യാത്രക്കാർക്ക് ബസുകളുടെ സമയക്രമം അറിയാൻ കഴിയാതിരുന്നത് ബുദ്ധിമുട്ട് സൃഷ്ടിച്ചിരുന്നു. ഇതെ തുടർന്നാണ് പഞ്ചായത്ത് മുൻകൈ എടുത്ത് എൻക്വയറി ഓഫിസ് ആരംഭിക്കുന്നതിനുള്ള സൗകര്യം ഏർപ്പെടുത്തി നൽകിയത്.
കെഎസ്ആർടിസിയെ ആശ്രയിക്കുന്ന വിനോദ സഞ്ചാരികൾ, ദീർഘദൂര യാത്രക്കാർ തുടങ്ങിയവർക്ക് ബസുകളുടെ സമയ ക്രമം അറിയുന്നതിനും മറ്റും എൻക്വയറി ഓഫിസ് ഏറെ പ്രയോജനപ്പെട്ടിരുന്നു. ഓഫിസിന്റെ പ്രവർത്തനം നിലച്ചതോടെ വിവരങ്ങൾ തിരക്കാൻ മൂന്നാർ സബ് ഡിപ്പോയെ ആശ്രയിക്കേണ്ട സാഹചര്യമാണുള്ളത്.
English Summary:
The recent closure of the KSRTC enquiry office at the Adimaly bus stand due to staff shortages is causing difficulties for passengers who rely on the service for bus timing information.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
