കോഴിക്കറി വെന്തില്ല; ഹോട്ടൽ തകർത്ത് യുവാക്കളുടെ സംഘം, ആളുകളെയും തല്ലി

കുഞ്ചിത്തണ്ണി ∙ കോഴിക്കറി വെന്തില്ലെന്നു പറഞ്ഞു യുവാക്കളുടെ സംഘം ഹോട്ടലിൽ അതിക്രമം നടത്തി. ഞായറാഴ്ച രാത്രി 8നു കുഞ്ചിത്തണ്ണി താഴത്തെസിറ്റിയിൽ പ്രവർത്തിക്കുന്ന ബ്ലാക്ക്പെപ്പർ ഹോട്ടലിലാണു ബൈസൺവാലി കൊച്ചുപ്പ് ഭാഗത്തുനിന്നെത്തിയ 3 യുവാക്കൾ അക്രമം നടത്തിയത്. ഇവർ മദ്യപിച്ചിരുന്നതായി ഹോട്ടൽ ജീവനക്കാർ പൊലീസിനെ അറിയിച്ചു. ‌ഹോട്ടൽ ഉടമയെയും ജീവനക്കാരെയും മർദിക്കുകയും പ്ലേറ്റുകളും ഫർണിച്ചറും തകർക്കുകയും ചെയ്തു. കടയിൽ ഭക്ഷണം കഴിക്കാൻ വന്ന 2 പേരെയും ഇവർ കയ്യേറ്റം ചെയ്തു. വെള്ളത്തൂവൽ പൊലീസ് അന്വേഷണം തുടങ്ങി.