ലോക പൊലീസ് മീറ്റിൽ മാറ്റുരയ്ക്കാൻ വീണ്ടും മരീന
Mail This Article
×
നെടുങ്കണ്ടം∙ യുഎസിൽ നടക്കുന്ന ലോക പൊലീസ് മീറ്റിൽ മത്സരിക്കാൻ നെടുങ്കണ്ടം സ്വദേശിനിയും. നെടുങ്കണ്ടം-കോമ്പയാർ കൊച്ചുകുന്നുംപുറത്ത് മരീന ടിജോയാണു (28) തുടർച്ചയായ രണ്ടാം വർഷവും കേരള പൊലീസിനു വേണ്ടി കളിക്കളത്തിലിറങ്ങുക. ഡൽഹിയിൽ നടന്ന 73–ാം ഓൾ ഇന്ത്യ പൊലീസ് അത്‌ലറ്റിക് ചാംപ്യൻഷിപ്പിൽ ഹെപ്റ്റാത്ലലനിൽ സ്വർണം നേടിയാണ് വേൾഡ് പൊലീസ് മീറ്റിലേക്ക് തിരഞ്ഞെടുക്കപ്പെട്ടത്. 2023ൽ കാനഡയിൽ നടന്ന വേൾഡ് പൊലീസ് മീറ്റിൽ ലോങ്ജംപിലും ഹെപ്റ്റാത്‌ലണിലും ഇന്ത്യയ്ക്ക് വേണ്ടി സ്വർണം നേടിയിരുന്നു. കുട്ടിക്കാനം ആസ്ഥാനമായി പ്രവർത്തിക്കുന്ന കെഎ പി-അഞ്ച് ബറ്റാലിയനിലെ ഹവിൽദാറാണു മരീന. ഇടുക്കി എആർ ക്യാംപിലെ സിപിഒ ടിജോ തോമസാണ് ഭർത്താവ്.
English Summary:
Marina Tijo, a dedicated officer of the Kerala Police hailing from Nedumkandam, has made India proud by securing her spot in the World Police Games in the USA. This will be her second consecutive year representing the nation at this prestigious event. Marina earned her place by clinching the gold medal in heptathlon at the 73rd All India Police Athletic Championship held in Delhi.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
