ഇടുക്കി ജില്ലയിൽ ഇന്ന് (20-11-2024); അറിയാൻ, ഓർക്കാൻ

ട്രെയ്നികളാകാം 
അടിമാലി ∙ വെജിറ്റബിൾ ആൻഡ് ഫ്രൂട്ട് പ്രമോഷൻ കൗൺസിലിൽ ഫീൽഡ് തലത്തിൽ ഇന്റേൺസ് ട്രെയ്നികളായി വിഎച്ച്എസ്‌സി അഗ്രികൾചർ വിജയിച്ചവർക്ക് അവസരം. താൽപര്യമുള്ളവർ ഒറിജിനൽ സർട്ടിഫിക്കറ്റുകളും പകർപ്പുകളുമായി വിഎഫ്പിസികെ അടിമാലി ഓഫിസിൽ(മിനിപ്പടി) 21ന് 10ന് എത്തിച്ചേരണം. ഫോൺ: 94479 88155, 99614 35682.

കാൻസർ നിർണയ ക്യാംപ് 
ഏലപ്പാറ ∙ ഇൻഫന്റ് ജീസസ് ദേവാലയത്തിന്റെ ആഭിമുഖ്യത്തിൽ 24ന് കാൻസർ നിർണയ ക്യാംപ് സംഘടിപ്പിക്കും. 10ന് ആരംഭിക്കുന്ന ക്യാംപിൽ 30നു മുകളിൽ പ്രായം വരുന്ന സ്ത്രീകൾക്കും പുരുഷൻമാർക്കും പങ്കെടുക്കാമെന്ന് ഭാരവാഹികൾ അറിയിച്ചു. ഫോൺ: 9961816362, 9744565994.

ഒപി വിഭാഗം അവധി 
കട്ടപ്പന ∙ സെന്റ് ജോൺസ് ആശുപത്രി സ്ഥാപകനായ ദൈവദാസൻ ബ്രദർ ഫോർത്തുനാത്തൂസിന്റെ അനുസ്മരണ ദിനമായ നാളെ ആശുപത്രിയുടെ ഒപി വിഭാഗം അവധി ആയിരിക്കുമെന്ന് മാനേജ്‌മെന്റ് അറിയിച്ചു.

ആയില്യം പൂജ 22ന്
തൊടുപുഴ ∙ പുതുക്കുളം നാഗരാജക്ഷേത്രത്തിലെ ആയില്യം പൂജ 22ന് നടക്കും. രാവിലെ 4ന് നിർമാല്യ ദർശനം, 4.15ന് അഭിഷേകങ്ങൾ, 5ന് മലർനേദ്യം, 5.30ന് നൂറും പാലും കൊടുക്കൽ, 6ന് ഗണപതി ഹോമം, 7.15ന് ഉഷഃപൂജ, 8ന് പാൽപ്പായസഹോമം, 9ന് അഷ്ടനാഗപൂജ, 10.30ന് ഉച്ചപ്പൂജ,  തുടർന്ന് തളിച്ചുകൊട, 12ന് നട അടയ്ക്കൽ, വൈകിട്ട് 4.30ന് നടതുറക്കൽ, 6.30ന് ദീപാരാധന, തുടർന്ന് സർപ്പബലി.

കട്ടപ്പന കമ്പോളം 
ഏലം: 2750-2900
കുരുമുളക്: 622
കാപ്പിക്കുരു(റോബസ്റ്റ): 225
കാപ്പി പരിപ്പ്(റോബസ്റ്റ): 380
കൊക്കോ: 100
കൊക്കോ(ഉണക്ക): 560
കൊട്ടപ്പാക്ക്: 210
മഞ്ഞൾ: 265
ചുക്ക്: 370
ഗ്രാമ്പൂ: 900
ജാതിക്ക: 325
ജാതിപത്രി: 1450-2050