താവം റെയിൽവേ മേൽപാലത്തിലെ കുഴി: പ്രതിഷേധിച്ച് യൂത്ത് കോൺഗ്രസ്, ബിജെപി

പഴയങ്ങാടി ∙ താവം റെയിൽവേ മേൽപാലത്തിലെ കുഴിയടയ്ക്കണം എന്നാവശ്യപ്പെട്ട് കല്യാശ്ശേരി നിയോജക മണ്ഡലം യൂത്ത് കോൺഗ്രസ് കമ്മിറ്റി കുഴിയിലെ വെള്ളത്തിൽ കടലാസുതോണി ഇറക്കി പ്രതിഷേധിച്ചു. യൂത്ത് കോൺഗ്രസ് കല്യാശ്ശേരി നിയോജക മണ്ഡലം പ്രസിഡന്റ് പുത്തൻപുരയിൽ രാഹുൽ ഉദ്ഘാടനം ചെയ്തു. എൻ.ഇ.നിധിൻ, മിഥുൻ കുളപ്പുറം, വിജേഷ് മാട്ടൂൽ, സിബിൻ ചൂട്ടാട്, ശ്രീരാഗ് ബാബു,ഷോബിത്ത് ഏഴോം, സരീഷ് പുത്തൂർ, അജേഷ് കട്ടക്കുളം, ജിജേഷ് ചൂട്ടാട്, ഇ.റൈഗൺ, ജയ്സൺ പരിയാരം, സായി ശരൺ എന്നിവർ പ്രസംഗിച്ചു.

പഴയങ്ങാടി∙ മേൽപാലത്തിലെ കുഴിയിൽ വാഴ നട്ട് ബിജെപി കല്യാശ്ശേരി മണ്ഡലം കമ്മിറ്റി പ്രതിഷേധിച്ചു. കല്യാശ്ശേരി മണ്ഡലം പ്രഭാരി ഗംഗാധരൻ കാളീശ്വരം ഉദ്ഘാടനം ചെയ്തു. മണ്ഡലം പ്രസിഡന്റ് സി.വി.സുമേഷ് അധ്യക്ഷത വഹിച്ചു. സത്യൻ കരിക്കൻ, ജിജേഷ് അണ്ണാമലൈ,മനോജ് ചെറുവാട്ടിൽ,ഒ.പി.രതീഷ്, എം.ബിജു, എം.വി.മനോഹരൻ എന്നിവർ പ്രസംഗിച്ചു