ADVERTISEMENT
Skip ads. Subscribe now.

ഉളിക്കൽ ∙ പുറവയലിൽ പുരയിടത്തിലെ കിണറ്റിൽ വീണ ‘ഈനാംപേച്ചി’യെ വനപാലകർ രക്ഷപ്പെടുത്തി കൂട്ടിലാക്കി ഉൾക്കാട്ടിൽ തുറന്നുവിട്ടു. കണിപ്പള്ളിൽ ജോസിന്റെ പുരയിടത്തിലെ കിണറ്റിലാണ് ഇന്നലെ ഈനാംപേച്ചിയെ കണ്ടത്. 11 കോൽ താഴ്ചയുള്ള കിണറ്റിൽ വെള്ളത്തിനു മുകളിലെ പടവിൽ ഇരിക്കുന്ന നിലയിലായിരുന്നു. ആളനക്കം മനസ്സിലാക്കിയതോടെ  കിണറ്റിൽ തന്നെ പൊത്ത് ഉണ്ടാക്കി കയറിക്കൂടി. 

പുറവയലിൽ കിണറ്റിൽ നിന്നു രക്ഷപ്പെടുത്തി ഈനാംപേച്ചിയെ കൂട്ടിൽ അടച്ച വനം ആർആർടി – മാർക്ക് സംഘം
പുറവയലിൽ കിണറ്റിൽ നിന്നു രക്ഷപ്പെടുത്തി ഈനാംപേച്ചിയെ കൂട്ടിൽ അടച്ച വനം ആർആർടി – മാർക്ക് സംഘം

ഡപ്യൂട്ടി റേഞ്ചർ എം.ഷൈനികൂമാറിന്റെ നേതൃത്വത്തിൽ താൽക്കാലിക വാച്ചറും മാർക്ക് പ്രവർത്തകനും ആയ ഫൈസൽ വിളക്കോട് ഉൾപ്പെടുന്ന സംഘം 3 മണിക്കൂറോളം പരിശ്രമിച്ചാണ് ഈനാംപേച്ചിയെ കൂട്ടിലാക്കിയത്. കിണറ്റിൽ നെറ്റിൽ ഇറങ്ങി പൊത്ത് കിളച്ചു കുടുക്കിട്ട് പിടികൂടി കൂട്ടിലാക്കുകയായിരുന്നു. ആർആർടി ഡപ്യൂട്ടി റേഞ്ചർ കെ.രമേശൻ, സെക്‌ഷൻ ഫോറസ്റ്റ് ഓഫിസർ സി.ചന്ദ്രൻ, ബീറ്റ് ഫോറസ്റ്റ് ഓഫിസർമാരായ അഭിനന്ദ് വല്യാടൻ, എം.ഇ.വിപിൻ, എൻ.വി.നകുലൻ, ഡ്രൈവർ രാഗേഷ്, മാർക്ക് പ്രവർത്തകരായ സാജിദ് ആറളം, സാജിദ് കാവുംപടി, വാച്ചർമാരായ വേണു, അഖിൽ എന്നിവരും വനം വകുപ്പ് സംഘത്തിൽ ഉണ്ടായിരുന്നു.

English Summary:

A pangolins cat found stranded in a well in Puravayal, Ulikkal, was rescued by a team of forest officials. The team, led by Deputy Ranger M. Shineekumari, safely extracted the animal and released it back into the wild.

TAGS

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com