ലോറി ട്രാൻസ്ഫോമറിൽ ഇടിച്ചുകയറി അപകടം
Mail This Article
×
ഉരുവച്ചാൽ∙ ലോറി വൈദ്യുത ട്രാൻസ്ഫോമറിൽ ഇടിച്ചു 2 പേർക്ക് പരുക്കേറ്റു. ലോറിയിൽ കുടുങ്ങിയ ഡ്രൈവറെയും സഹായിയെയും അഗ്നിരക്ഷാ സേന രക്ഷപ്പെടുത്തി. അപകടത്തിൽ സമീപത്തെ വീട്ടുമതിലും തകർന്നു. പഴശ്ശി വില്ലേജ് ഓഫിസിന് സമീപത്താണ് പാഴ്സൽ ലോറി അപകടത്തിൽപെട്ടത്. ഇന്നലെ രാവിലെ എട്ടോടെയാണ് അപകടം. ഭക്ഷ്യ വസ്തുക്കൾ കൊണ്ടുപോകുന്ന ലോറിയാണ് അപകടത്തിൽപ്പെട്ടത്.
പയ്യോളി സ്വദേശികളായ ശ്രീദേവ്, അനൂപ് എന്നിവർക്കാണ് പരുക്കേറ്റത്. ഇവരെ കണ്ണൂരിലെ ആശുപത്രിയിൽ പ്രവേശിപ്പിച്ചു. തലശ്ശേരിയിലേക്കു പോകുന്ന ലോറി നിയന്ത്രണം വിട്ടു റോഡരികിലെ ട്രാൻസ്ഫോമറിലേക്ക് ഇടിച്ചു കയറുകയായിരുന്നു. ലോറിയിൽ കുടുങ്ങിപ്പോയ ഇരുവരെയും ട്രാൻസ്ഫോമറിന്റെ ചുറ്റിലുമുള്ള ഇരുമ്പു വേലി മുറിച്ചുമാറ്റി പുറത്തെടുത്തു. ലോറിയിടിച്ച് സമീപത്തെ മുസ്തഫയുടെവീട്ടു മതിലും തകർന്നു.
English Summary:
A lorry carrying food items collided with an electric transformer in Uruvachal near Pazhassi Village Office yesterday morning, injuring the driver and helper. The fire force rescued the trapped occupants. The accident also caused damage to a nearby house.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
