കണ്ണൂർ ജില്ലയിൽ ഇന്ന് (21-11-2024); അറിയാൻ, ഓർക്കാൻ

ഇന്ന് 
അധ്യാപകർ  
എട്ടിക്കുളം ∙ എംഎഎസ്എസ് ഗവ.ഹയർ സെക്കൻഡറി സ്കൂളിൽ ഹൈസ്കൂൾ വിഭാഗത്തിൽ ഇംഗ്ലിഷ് അധ്യാപക ഒഴിവ്. കൂടിക്കാഴ്ച  23ന് 10.30ന്.

അറിയാൻ 
ഗതാഗത നിയന്ത്രണം 
മൂന്നുപെരിയ-ചെറുമാവിലായി റോഡിൽ പടന്നക്കരക്കും സിഎച്ച് മുക്കിനും ഇടയിൽ കലുങ്ക് പണി നടക്കുന്നതിനാൽ ഇതുവഴി വാഹനഗതാഗതം നാളെ മുതൽ 27 വരെ പൂർണമായും നിരോധിച്ചതായി പൊതുമരാമത്ത് അസി. എക്‌സിക്യൂട്ടീവ് എൻജിനീയർ അറിയിച്ചു. പടന്നക്കര സിഎച്ച് മുക്ക് വഴി പോകുന്ന വാഹനങ്ങൾ പിണറായി ഓലയമ്പലം സിഎച്ച് മുക്ക് അണ്ടല്ലൂർ വഴി തലശ്ശേരിയിലേക്ക് പോകണം.

ക്വിസ് മത്സരം നടത്തും 
കേരള നിയമസഭ രാജ്യാന്തര പുസ്തകോത്സവം മൂന്നാം എഡിഷന്റെ ഭാഗമായി ഹൈസ്‌കൂൾ, ഹയർസെക്കൻഡറി, കോളജ് വിദ്യാർഥികൾ, പൊതുജനങ്ങൾ എന്നിവർക്കായി ക്വിസ് മത്സരങ്ങൾ നടത്തുന്നു. കണ്ണൂർ, കാസർകോട് ജില്ലകളെ ഉൾപ്പെടുത്തി കണ്ണൂർ മേഖലയ്ക്കായുള്ള പ്രാഥമിക മത്സരങ്ങൾ 29ന് കണ്ണൂർ ശിക്ഷക് സദനിൽ നടത്തും. വെബ്‌ സൈറ്റ്: www.klibf.niyamasabha.org.

വോക് ഇൻ ഇന്റർവ്യൂ 
നാഷനൽ ഹെൽത്ത് മിഷന് കീഴിൽ കരാറടിസ്ഥാനത്തിൽ ഫാർമസിസ്റ്റുമാരെ നിയമിക്കുന്നു. 22ന് രാവിലെ 10ന് കണ്ണൂർ എൻഎച്ച്എം ഓഫിസിൽ വോക് ഇൻ ഇന്റർവ്യൂ. 0497 2709920.

അപേക്ഷ ക്ഷണിച്ചു 
കണ്ണൂർ ഗവ ഐടിഐയും ഐഎംസിയും സംയുക്തമായി നടത്തുന്ന വെൽഡർ ടിഗ് ആൻഡ് മിഗ് മൂന്ന് മാസത്തെ കോഴ്സിലേക്ക് അപേക്ഷ ക്ഷണിച്ചു. 7560865447

വനിതകൾക്ക് സൗജന്യ പരിശീലനം 
കണ്ണൂർ ഇന്ത്യൻ ഇൻസ്റ്റിറ്റ്യൂട്ട് ഓഫ് ഹാൻഡ്​ലൂം ടെക്നോളജി (ഐ.ഐ.എച്ച്.ടി) ആരംഭിക്കുന്ന ഗാർമെന്റ് മേഖലയിലുള്ള സൗജന്യ പരിശീലനത്തിന് അപേക്ഷ ക്ഷണിച്ചു. മൂന്ന് മാസ കോഴ്സിലേക്ക് 18 നും 45നും ഇടയിൽ പ്രായമുള്ള വനിതകൾക്ക് അപേക്ഷിക്കാം. തയ്യൽ പരിചയം അഭികാമ്യം. അപേക്ഷ  29നകം അയയ്ക്കണം. ഫോൺ: 04972835390, www.iihtkannur.ac.in.

സമയം നീട്ടി 
കേരള സംസ്ഥാന അസംഘടിത തൊഴിലാളി സാമൂഹിക സുരക്ഷ ബോർഡിൽ അംഗത്വമെടുത്ത് ഒരു വർഷം പൂർത്തിയായി അംശദായം അടച്ചു വരുന്ന അംഗങ്ങളുടെ മക്കൾക്ക് 2024-25 വർഷത്തെ വിദ്യാഭ്യാസ ആനുകൂല്യത്തിനുള്ള അപേക്ഷ സ്വീകരിക്കാനുള്ള തീയതി ഡിസംബർ 31 വരെ നീട്ടി. ബിരുദം, പി ജി, പ്രഫഷനൽ കോഴ്‌സുകളിൽ അഡ്മിഷൻ നേടിയ വിദ്യാർഥികൾക്ക് അപേക്ഷിക്കാം. 04972970272

മാറ്റിവച്ചു 
23ന് കൂത്തുപറമ്പ് ലാൻഡ് ട്രിബ്യൂണൽ നമ്പർ ആറ് (വടക്കേക്കളം) കാര്യാലയത്തിൽ നടത്താനിരുന്ന എല്ലാ വിചാരണ കേസുകളും ഡിസംബർ 28ലേക്ക് മാറ്റിവച്ചതായി കൂത്തുപറമ്പ് എൽആർ സ്‌പെഷ്യൽ തഹസിൽദാർ 
അറിയിച്ചു.

വൈദ്യുതി മുടക്കം
ചാലോട് ∙ ഇലക്ട്രിക്കൽ സെക്‌ഷൻ പരിധിയിലെ മൂലക്കരി പഞ്ചായത്ത് കിണർ, മൂലക്കരി, കാനച്ചേരി ആശ്രമം, ചാലോട് ട്രാൻസ്ഫോമർ പരിധിയിൽ രാവിലെ 9 മുതൽ 3 വരെ.