സ്വർണവില കുതിക്കുമ്പോൾ ചിലരുടെ നെഞ്ചിൽ തീയാണ്; നിക്ഷേപകർക്ക് സുവർണാവസരവും

കാസർകോട് ∙ പവന് 56960 രൂപ! 40 രൂപയും കൂടി കടന്നാൽ 57000 രൂപ!!. സ്വർണവില കുതിക്കുമ്പോൾ ചിലരുടെ നെഞ്ചിൽ തീയാളും. മക്കളുടെ കല്യാണമൊക്കെ നിശ്ചയിച്ചവരൊക്കെ സ്വർണവില റോക്കറ്റ് പോലെ പോകുന്നതു കണ്ട് അന്തംവിട്ടുനിൽക്കുകയാണ്. സ്വർണമൊരു നിക്ഷേപമായി കാണുന്നവർ ഇതു സുവർണാവസരമായും കാണുന്നു. അടിക്കടിയുള്ള വിലക്കയറ്റത്തിൽ വ്യാപാരികൾക്ക് ആശങ്കയുണ്ടെങ്കിലും പ്രതിസന്ധിയുണ്ടാകില്ലെന്ന കണക്കൂട്ടലിലാണ് അവരും. കന്നി മാസത്തിൽ കല്യാണമെല്ലാം കുറവാണെങ്കിലും മക്കളുടെ വിവാഹമുറപ്പിച്ചവർക്കെല്ലാം ആശങ്കയുണ്ട്.