വിദേശ ജോലി വാഗ്ദാനം ചെയ്ത് പണം തട്ടി; യുവാവ് അറസ്റ്റിൽ
Mail This Article
കൊല്ലം ∙വിദേശത്തു ജോലി വാഗ്ദാനം ചെയ്തു ലക്ഷങ്ങൾ തട്ടിയ പ്രതി പിടിയിൽ. കൊല്ലം കടപ്പാക്കട പീപ്പിൾസ് നഗർ–45 പ്രിയ മൻസിലിൽ ഡെന്നി (36) ആണു ശക്തികുളങ്ങര പൊലീസിന്റെ പിടിയിലായത്. ശക്തികുളങ്ങര സ്വദേശിയായ യുവാവിനു വിദേശത്തു ജോലിക്കുള്ള വീസ തരപ്പെടുത്തി നൽകാമെന്നു വാഗ്ദാനം ചെയ്ത് 3,96,500 രൂപ തട്ടിയെടുത്ത കേസിലാണ് ഇയാളെ അറസ്റ്റ് ചെയ്തത്. എറണാകുളം ആസ്ഥാനമായി പ്രവർത്തിക്കുന്ന സ്ഥാപനത്തിന്റെ പേരിൽ വിദേശത്തു ഡ്രൈവർ വീസ തരപ്പെടുത്തി നൽകാമെന്നു വിശ്വസിപ്പിച്ചാണ് ഇയാൾ പല തവണകളായി പണം തട്ടിയെടുത്തത്. പണം നൽകിയിട്ടും വീസ ലഭിക്കാതായതോടെ യുവാവ് പൊലീസിൽ പരാതി നൽകുകയായിരുന്നു. ഇയാൾക്കെതിരെ സമാനമായ ഒട്ടേറെ പരാതികളുണ്ടെന്ന് പൊലീസ് പറഞ്ഞു. ശക്തികുളങ്ങര പൊലീസ് ഇൻസ്പെക്ടർ രതീഷിന്റെ നേതൃത്വത്തിൽ എസ്ഐമാരായ സജയൻ, വിനോദ്, എസ്സിപിഒ ബിജു എന്നിവരടങ്ങിയ സംഘമാണ് ഇയാളെ പിടികൂടിയത്.