കൊല്ലം ജില്ലയിൽ ഇന്ന് (15-11-2024); അറിയാൻ, ഓർക്കാൻ

ഇന്ന് 
∙ വെട്ടുകാട് ദേവാലയം തിരുനാൾ കൊടിയേറ്റ് പ്രമാണിച്ച് ഉച്ചയ്ക്ക് ശേഷം തിരുവനന്തപുരം, നെയ്യാറ്റിൻകര താലൂക്കുകളിൽ പ്രാദേശിക അവധി

കാലാവസ്ഥ
∙ മിന്നലോടുകൂടിയ മഴയ്ക്ക് സാധ്യത 
∙ തീരദേശവാസികളും മീൻപിടിത്ത തൊഴിലാളികളും ജാഗ്രത പാലിക്കണം
∙ ശബരിമല സന്നിധാനം, പമ്പ, നിലയ്ക്കൽ എന്നിവിടങ്ങിൽ മിന്നലോടുകൂടിയ മഴയ്ക്ക് സാധ്യത

വാഹന ഗതാഗതം തടസ്സപ്പെടും
പട്ടാഴി വടക്കേക്കര∙ വരിക്കവേലിൽ–കൈതപ്പറമ്പ് റോഡിൽ കലുങ്കിന്റെ പുനർനിർമാണം നടക്കുന്നതിനാൽ 18 മുതൽ വാഹന ഗതാഗതം തടസ്സപ്പെടും. വലിയ വാഹനങ്ങൾ മഞ്ചാടിമുക്ക്–ചെമ്പന്നൂർ കാവ്–പടിഞ്ഞാറേ വിള–കൈതപ്പറമ്പ് വഴിയും ചെറിയ വാഹനങ്ങൾ തേമ്പാറപ്പടി–സിങ്കപ്പൂർ മുക്ക്–കൈതപ്പറമ്പ് വഴിയും തിരിഞ്ഞു പോകേണ്ടതാണെന്ന് പൊതുമരാമത്ത് വകുപ്പ് അസി.എൻജിനീയർ അറിയിച്ചു.

വൈദ്യുതി മുടക്കം
അഞ്ചാലുംമൂട് ∙ ഐക്കര മുക്ക്, ആയിരവില്ലൻ, ബി ആൻഡ് എസ്, സേക്രഡ് ഹാർട്ട് എന്നീ ഭാഗങ്ങളിൽ ഇന്നു പകൽ 9.30 മുതൽ, 5.30 വരെ വൈദ്യുതി മുടങ്ങും.

 അധ്യാപക ഒഴിവ്
ചടയമംഗലം∙ ഗവ. മഹാത്മാ ഗാന്ധി ഹയർ സെക്കൻഡറി സ്കൂളിൽ ഹൈസ്കൂൾ വിഭാഗം ഇംഗ്ലിഷ് അധ്യാപക ഒഴിവിലേക്കു ദിവസ വേതനാടിസ്ഥാനത്തിൽ നിയമനത്തിന് അഭിമുഖം 18ന് രാവിലെ 10.30 ന് നടത്തും.

അപേക്ഷ ക്ഷണിച്ചു
ചാത്തന്നൂർ ∙ കേന്ദ്ര നൈപുണ്യ വികസന മന്ത്രാലയത്തിന്റെ കീഴിൽ പ്രവർത്തിക്കുന്ന ജൻ ശിക്ഷൺ സൻസ്ഥാന്റെയും അറിവ് -ത്രൂ ദി സോൾ ഓഫ് ഗുരുവിന്റെ നേത‍ൃത്വത്തിലുള്ള സൗജന്യ തൊഴിൽ പരിശീലനത്തിന്റെ പുതിയ ബാച്ചിലേക്ക് അപേക്ഷ ക്ഷണിച്ചു. വനിതകൾക്ക് ഹാൻഡ് എംബ്രോയ്ഡറി കോഴ്സിൽ 3 മാസത്തെ പരിശീലനം നൽകും. വിജയകരമായി പൂർത്തിയാക്കുന്നവർക്ക് അംഗീകൃത സർട്ടിഫിക്കറ്റ് ലഭിക്കും. 16 മുതൽ 45 വയസ്സുവരെ ഉള്ളവർക്ക് അപേക്ഷിക്കാം. 20 ന് മുൻപ് പേര് റജിസ്റ്റർ ചെയ്യണം. 94477 15406, 98952 38750