പത്തനാപുരത്ത് ശബരിമല ഇടത്താവളം തുറന്നു

പത്തനാപുരം ∙ ശബരിമല ഇടത്താവളം പത്തനാപുരത്തു പ്രവർത്തനം തുടങ്ങി. വിരി വയ്ക്കുന്നതിനും വിശ്രമിക്കുന്നതിനും ആണു സൗകര്യമൊരുക്കിയിട്ടുള്ളത്. കല്ലുംകടവിലെ സാംസ്കാരിക നിലയത്തിലാണ് ഇടത്താവളം പ്രവർത്തിക്കുക. പഴയ ബസ് സ്റ്റാൻഡ് പരിസരം ആയതിനാൽ വാഹനങ്ങൾ നിർത്തി ഇടാനുള്ള സൗകര്യം കണക്കിലെടുത്താണ് ഇവിടെ പ്രവർത്തനം തുടങ്ങിയതെങ്കിലും രാത്രിയിലെ മത്സ്യ വ്യാപാരം ഇതിനു തടസ്സമാണ്. രാത്രികാലങ്ങളിൽ സന്നദ്ധ സംഘടനകളുടെ ചുക്ക് കാപ്പി വിതരണവും ഇവിടെ ഉണ്ടാകും. പഞ്ചായത്ത് പ്രസിഡന്റ് എസ്.തുളസി ഉദ്ഘാടനം ചെയ്തു. എ.ബി.അൻസാർ, ബൽക്കീസ് ബീഗം, ഫാറൂഖ് മുഹമ്മദ്, കെ.വൈ.സുനറ്റ്, സലൂജാ ദിലീപ്, സി.വിജയ, പ്രിൻസി ജിജി എന്നിവർ പ്രസംഗിച്ചു.