കൊല്ലം ജില്ലയിൽ ഇന്ന് (20-11-2024); അറിയാൻ, ഓർക്കാൻ

അഭിമുഖം;കൊല്ലം ∙ മനയിൽകുളങ്ങര ഗവ. വനിതാ ഐടിഐയിൽ അഗ്രോ പ്രോസസിങ് ട്രേഡിൽ  ഗെസ്റ്റ് ഇൻസ്ട്രക്ടർ നിയമനത്തിനുള്ള അഭിമുഖം 22 ന് രാവിലെ 11 ന്   നടത്തും.  0474-2793714.

മസ്റ്ററിങ് ക്യാംപ്
കൊട്ടാരക്കര∙ മുൻഗണന, അന്ത്യോദയ, അന്നയോജന റേഷൻ കാർഡിലെ ഉപഭോക്താക്കളിൽ വിരൽ പതിയാത്തവർക്കായുള്ള ആധാർ മസ്റ്ററിങ് ക്യാംപ് റേഷനിങ് ഇൻസ്‌പെക്ടർ എച്ച്.ഷമീമിന്റെ സാന്നിധ്യത്തിൽ ഐറിസ് സ്കാനർ, ഫേസ് ആപ്പ് എന്നിവയുടെ സഹായത്തിൽ ചിതറ, കുമ്മിൾ‍ പഞ്ചായത്തുകളിൽ നടത്തി. താലൂക്കിലെ മറ്റു പഞ്ചായത്തുകൾ കേന്ദ്രീകരിച്ചും ക്യാംപ് നടക്കും. 

കരട് വോട്ടർ പട്ടിക
പത്തനാപുരം /പിറവന്തൂർ / വിളക്കുടി∙ പഞ്ചായത്തുകളിലെ കരട് വോട്ടർ പട്ടിക പ്രസിദ്ധീകരിച്ചു. ആക്ഷേപമുള്ളവർ ഡിസംബർ 3നകം ഡീ ലിമിറ്റേഷൻ സെക്രട്ടറി , കൊല്ലം ജില്ലാ തിരഞ്ഞെടുപ്പ് ഉദ്യോഗസ്ഥർ മുൻപാകയോ ആക്ഷേപം നൽകണമെന്ന് സെക്രട്ടറിമാർ അറിയിച്ചു.

വാർഡ് വിഭജനം:3നു മുൻപ് ആക്ഷേപം ‌അറിയിക്കണം
തൊടിയൂർ ∙ തൊടിയൂർ ഗ്രാമപ്പഞ്ചായത്തിൽ കരട് വാർഡ് വിഭജനം സംബന്ധിച്ച വിജ്ഞാപനം പഞ്ചായത്ത് ഓഫിസിലും നോട്ടിസ് ബോർഡുകളിലും പ്രസിദ്ധീകരിച്ചു. പ്രസ്തുത നിർദേശങ്ങളെ സംബന്ധിച്ച് ആക്ഷേപങ്ങളും അഭിപ്രായങ്ങളും ഉണ്ടെങ്കിൽ ഡിസംബർ 3 ന് മുൻപായി ഡീലിമിറ്റേഷൻ  കമ്മിഷൻ സെക്രട്ടറി മുൻപാകെയോ, ജില്ലാ തിരഞ്ഞെടുപ്പ് ഉദ്യോഗസ്ഥൻ മുൻപാകെയോ നൽകാവുന്നതാണെന്നു ഗ്രാമ പഞ്ചായത്ത് സെക്രട്ടറി സി.ഡെമാസ്റ്റൻ അറിയിച്ചു.

വൈദ്യുതി മുടങ്ങും
പരവൂർ∙ ചീനിവിള, ശാസ്താംകോവിൽ, മാവിൻമൂട്, ദയാബ്ജി, ഓവർ ബ്രിജ്, കുറുപ്പ്, പണയിൽക്കാവ്, മുന്നാഴിമുക്ക്, പ്രവാസി എന്നിവിടങ്ങളിൽ 9 മുതൽ 5 വരെ വൈദ്യുതി മുടങ്ങും.