പാർക്ക് ചെയ്തിരുന്ന കാറിൽ സ്വകാര്യ ബസ് തട്ടി
Mail This Article
×
പാമ്പാടി ∙ എതിർദിശയിൽ നിന്നു വന്ന വാനിൽ ഇടിക്കാതിരിക്കാൻ വെട്ടിച്ച സ്വകാര്യ ബസ് റോഡരികിൽ പാർക്ക് ചെയ്തിരുന്ന കാറിൽ തട്ടി. ഇന്നലെ ഉച്ചക്ക് 1 മണിയോടെ ആലാംപള്ളി ജംക്ഷനിലാണ് അപകടം. റോഡിൽ നിന്നു പൂർണമായി ഒതുക്കിയിടാതെ പാർക്ക് ചെയ്തിരുന്ന കാറിൽ ആണ് ബസ് തട്ടിയത്. ബസ് കയറി വരുന്നത് കണ്ട് എതിർ ദിശയിൽ നിന്നു വാൻ അരികിലേക്കു ഒതുക്കാതിരുന്നതാണ് അപകട കാരണമെന്നു ബസ് ജീവനക്കാർ പറഞ്ഞു.
നിർത്തിയിട്ടിരുന്ന കാർ റോഡരികിൽ നിന്നു പൂർണമായി ഒതുക്കി ഇടാത്തതിനാൽ ബസിനു വെട്ടിച്ചു മാറ്റാൻ സാധിക്കാതെ വന്നു. ഈ ഭാഗത്ത് അനധികൃത വഴിയോര കച്ചവടം നടത്തുന്നത് അപകട സാധ്യത വർധിപ്പിക്കുന്നതായി നാട്ടുകാർ ആരോപിച്ചു. വാഹനങ്ങളിൽ എത്തിച്ചു വിവിധ വിൽപനക്കാർ ജംക്‌ഷനിൽ റോഡരിക് കയ്യേറി വ്യാപാരത്തിൽ ഏർപ്പെടുന്നുണ്ട്. അധികൃതർ നടപടി സ്വീകരിക്കണമെന്ന് ആവശ്യമുണ്ട്.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
