ചൈതന്യ കാര്‍ഷികമേള നവംബര്‍ 20 മുതല്‍ 26 വരെ തെള്ളകത്ത്
Mail This Article
കോട്ടയം ∙ കോട്ടയം സോഷ്യല്‍ സര്‍വ്വീസ് സൊസൈറ്റിയുടെ നേതൃത്വത്തില്‍ കൃഷി വകുപ്പിന്റെ പങ്കാളിത്തത്തോടെ സംഘടിപ്പിക്കുന്ന ചൈതന്യ കാര്‍ഷികമേള നവംബര്‍ 20 മുതല്‍ 26 വരെ കോട്ടയം തെള്ളകം ചൈതന്യ പാസ്റ്ററല്‍ സെന്ററില്‍ നടക്കും. 20ന് ഉച്ചകഴിഞ്ഞ് 2.30 ന് മേളയുടെ ഉദ്ഘാടനം പ്രതിപക്ഷ നേതാവ് വി.ഡി സതീശന്‍ നിര്‍വഹിക്കും.
കോട്ടയം അതിരൂപത മെത്രപ്പോലീത്ത മാര്‍ മാത്യു മൂലക്കാട്ട് അധ്യക്ഷത വഹിക്കും. ജോസ് കെ. മാണി എംപി, തോമസ് ചാഴികാടന്‍ എംപി, തിരുവഞ്ചൂര്‍ രാധാകൃഷ്ണന്‍ എംഎല്‍എ, അഡ്വ. മോന്‍സ് ജോസഫ് എംഎല്‍എ, സംസ്ഥാന ഇലക്ട്രിസിറ്റി റെഗുലേറ്ററി കമ്മീഷന്‍ ചെയര്‍മാന്‍ ടി.കെ. ജോസ് ഐഎഎസ് എന്നിവര്‍ വിശിഷ്ടാതിഥികളായി പങ്കെടുക്കും.
26ന് ഉച്ചകഴിഞ്ഞ് 2.30 ന് നടത്തപ്പെടുന്ന സമാപന സമ്മേളനം ചീഫ് വിപ്പ് ഡോ. എന്‍ ജയരാജ് ഉദ്ഘാടനം ചെയ്യും. കോട്ടയം അതിരൂപതാ വികാരി ജനറാള്‍ റവ. ഫാ. മൈക്കിള്‍ വെട്ടിക്കാട്ട് അനുഗ്രഹ പ്രഭാഷണം നടത്തും. തോമസ് ചാഴികാടന്‍ എംപി, ആന്റോ ആന്റണി എംപി, ഡീന്‍ കുര്യാക്കോസ് എംപി, തിരുവഞ്ചൂര്‍ രാധാകൃഷ്ണന്‍ എംഎല്‍എ, അഡ്വ. മോന്‍സ് ജോസഫ് എംഎല്‍എ, അഡ്വ. ചാണ്ടി ഉമ്മന്‍ എംഎല്‍എ എന്നിവര്‍ വിശിഷ്ഠാതിഥികളായി പങ്കെടുക്കും.
