നന്നാക്കിയിട്ട് 2 ദിവസം, പിന്നെയും പൈപ്പ് പൊട്ടി; ചീറ്റിത്തെറിക്കുന്ന വെള്ളത്തിൽ വാഹനങ്ങൾ കഴുകി ഡ്രൈവർമാർ

തോട്ടയ്ക്കാട് ∙ പൊട്ടിയ പൈപ്പ് ശരിയാക്കി 2 ദിവസം കഴിഞ്ഞപ്പോൾ വീണ്ടും പൊട്ടി. റോഡിലൂടെ വെള്ള ചീറ്റി ഒഴുകുന്നു. ചീറ്റിത്തെറിക്കുന്ന വെള്ളത്തിൽ വാഹനങ്ങൾ ചേർത്തു നിർത്തി ചില ഡ്രൈവർമാർ വാഹനം കഴുകുന്നതായും പ്രദേശവാസികൾ പറയുന്നു. കോട്ടയം – കോഴഞ്ചേരി റോഡിൽ തോട്ടയ്ക്കാട് ആശുപത്രി കവലയിലെ ജല അതോറിറ്റിയുടെ പൈപ്പാണ് പൊട്ടിയത്. രാവിലെ 9 മണിയോടെ പൊട്ടിയ പൈപ്പിലൂടെ വെള്ളം പാഴാകുകയാണ്. കുറച്ചു ദിവസങ്ങൾക്ക് മുൻപ് പൊട്ടിയ പൈപ്പ് ശരിയാക്കിയിരുന്നു.