ലോറി നിയന്ത്രണംവിട്ട് തോട്ടിലേക്ക് വീണു

നെടുങ്ങാടപ്പള്ളി ∙ കോൺക്രീറ്റ് മിക്സ്ചർ ലോറി നിയന്ത്രണംവിട്ട് പാലത്തിന്റെ കൈവരി തകർത്ത് പനയമ്പാല തോട്ടിലേക്ക് വീണു. ഡ്രൈവർ മല്ലപ്പള്ളി കവിയൂർ സ്വദേശി അഭിലാഷ് (40) നിസ്സാര പരുക്കുകളോടെ രക്ഷപ്പെട്ടു. ഇന്നലെ രാവിലെ 7.30ന് കറുകച്ചാൽ - മല്ലപ്പള്ളി റോഡിൽ നെടുങ്ങാടപ്പള്ളിയിലായിരുന്നു അപകടം. വാകത്താനത്തു കോൺക്രീറ്റ് മിശ്രിതവുമായി മല്ലപ്പള്ളിയിലേക്കു പോയ ലോറി മഴയത്താണു നിയന്ത്രണംവിട്ടത്. ലോറി ഭാഗികമായി തകർന്നു. നാട്ടുകാരാണ് ഡ്രൈവറെ വാഹനത്തിൽ നിന്നു പുറത്തെടുത്തത്.