ചങ്ങനാശേരിയിൽ 24 കിലോ ചന്ദനവുമായി രണ്ട് പേർ പിടിയിൽ
Mail This Article
×
ചങ്ങനാശേരി∙ നഗരത്തിൽ 24 കിലോ ചന്ദനവുമായി രണ്ട് പേർ ഫോറസ്‌റ്റിന്റെ പിടിയിലായി. ചങ്ങനാശേരി മാന്തുരുത്തി വിദ്യനിവാസിൽ കെ.ആർ.രഞ്ജിത്ത് (40), പായിപ്പാട് പി.സി കവല ശുഭാനിവാസിൽ കെ.ബി.സുധീഷ് (42) എന്നിവരാണ് പിടിയിലായത്. വൈകിട്ട് 7.30 നു കവിയൂർ റോഡിൽ രാജേശ്വരി കോംപ്ലക്സിനു സമീപമായിരുന്നു സംഭവം. കാറിനുള്ളിൽ ചാക്കിലാക്കിയാണ് ചന്ദനം എത്തിച്ചത്. രഹസ്യവിവരത്തെ തുടർന്ന് മഫ്‌തിയിലെത്തിയ ഫോറസ്‌റ്റ് സംഘമാണ് പിടികൂടിയത്. പന്തളം വലിയകോയിക്കലിനു സമീപമുള്ള സ്വകാര്യ വ്യക്തിയുടെ വളപ്പിൽ നിന്ന ചന്ദനമരത്തിലെ തടിയാണിതെന്നാണ് ഇവർ മൊഴി നൽകിയത്.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
