കോട്ടയം ജില്ലയിൽ ഇന്ന് (20-11-2024); അറിയാൻ, ഓർക്കാൻ

വൈദ്യുതി മുടക്കം
രാമപുരം ∙ മങ്കൊമ്പ് ട്രാൻസ്ഫോമറിന്റെ പരിധിയിൽ ഇന്ന് 8 മുതൽ 2 വരെ വൈദ്യുതി മുടങ്ങും.
ഈരാറ്റുപേട്ട ∙ സിസിഎം, കെഎസ്ആർടിസി, കുറ്റിപ്പാറ, ആറാം മൈൽ ട്രാൻസ്ഫോമറുകളുടെ പരിധിയിൽ ഇന്ന് 9 മുതൽ 12 വരെ ഭാഗികമായും നരിമറ്റം, നരിമറ്റം ജംക്‌ഷൻ, ചൊവ്വൂർ, ചൊവ്വൂർ സ്കൂൾ, മങ്കൊമ്പ് സ്കൂൾ, അപ്പർ മങ്കൊമ്പ് ട്രാൻസ്ഫോമറുകളുടെ പരിധിയിൽ 10 മുതൽ 4 വരെയും വൈദ്യുതി മുടങ്ങും.
പാലാ ∙ കരിപ്പത്തിക്കണ്ടം, പ്രസാദ് റോഡ് ഭാഗങ്ങളിൽ ഇന്ന് 8.30 മുതൽ 5 വരെയും പയപ്പാർ, ആർട്ടിക് ട്രാൻസ്ഫോമറുകളുടെ പരിധിയിൽ 8.30 മുതൽ 5 വരെ ഭാഗികമായും വൈദ്യുതി മുടങ്ങും.

സീനിയർ വിങ് കെഡറ്റ് അപേക്ഷ
പാലാ ∙ സെന്റ് തോമസ് കോളജ് ഓട്ടോണമസിൽ 5 (കെ) എൻസിസി യൂണിറ്റ് ചങ്ങനാശേരി ബറ്റാലിയനു കീഴിൽ പ്രവർത്തിക്കുന്ന എൻസിസി യൂണിറ്റിൽ സീനിയർ വിങ് കെഡറ്റുകളായി ചേരുന്നതിനുള്ള 8 ഒഴിവുകളിലേക്ക് താൽപര്യമുള്ള വിദ്യാർഥികളിൽ നിന്ന് അപേക്ഷ ക്ഷണിച്ചു. ഒന്നാം വർഷ ബിരുദ വിദ്യാർഥികൾക്ക് പുറമേ ഹയർ സെക്കൻഡറി വിദ്യാർഥികൾക്കും അപേക്ഷിക്കാം. താൽപര്യമുള്ളവർ കോളജ് എൻസി സി ഓഫിസറുമായി ബന്ധപ്പെടണം. ഫോൺ : 9446197745.

വിദ്യാർഥികൾക്ക് ക്വിസ് മത്സരം
കോട്ടയം ∙ ബ്രേക്ക് ത്രൂ സയൻസ് സൊസൈറ്റി സംഘടിപ്പിക്കുന്ന ശാസ്ത്ര സമ്മേളനത്തോട് അനുബന്ധിച്ചു ഹൈസ്കൂൾ കുട്ടികൾക്കായി ക്വിസ് മത്സരം നടത്തുന്നു. 23നു രാവിലെ 9.30നു വയസ്ക്കരക്കുന്നിലുള്ള ഗലീലിയോ സയൻസ് സെന്ററിലാണു മത്സരം. രണ്ടുപേർ അടങ്ങുന്ന സ്കൂൾ ടീമുകൾക്കു റജിസ്റ്റർ ചെയ്യാം. ഫോൺ: 7025308930, 9562766359.

കരട് വിജ്ഞാപനം പ്രസിദ്ധീകരിച്ചു
മരങ്ങാട്ടുപിള്ളി പഞ്ചായത്ത് വാർഡ് പുനർനിർണയം  കരട് വിജ്ഞാപനം പഞ്ചായത്ത് ഓഫിസിൽ പ്രസിദ്ധീകരിച്ചതായി സെക്രട്ടറി അറിയിച്ചു.

ലേലം 28ന്
പാലാ ∙ ജൂബിലി തിരുനാളിനോടനുബന്ധിച്ച് താൽക്കാലിക കച്ചവടം ചെയ്യുന്നതിനായുള്ള  സ്ഥലം ലേലം 28നു 11നു നഗരസഭാ ഓഫിസിൽ നടത്തും. ഫോൺ: 04822-212328.

കർഷക സമിതി 
രാമപുരം ∙ ബസ് സ്റ്റാൻഡിൽ പ്രവർത്തിക്കുന്ന സ്വാശ്രയ കർഷക സമിതി നാളെ  തുറന്നു പ്രവർത്തിക്കില്ലെന്ന് പ്രസിഡന്റ് ജോയി കോലത്ത് അറിയിച്ചു.