റോഡിൽ താണ ലോറി വയലിലേക്കു മറി‍ഞ്ഞു

നാദാപുരം∙ കണ്ണൂർ ജില്ലയിൽനിന്നു ചെങ്കല്ലു കയറ്റി ചെക്യാട്ട് എത്തിയ ലോറി ഒടോര താഴെ റോഡിൽ താഴ്ന്നു വയലിലെ വെള്ളക്കെട്ടിലേക്ക് മറിഞ്ഞു. ഡ്രൈവറും സഹായിയും ചാടി രക്ഷപ്പെട്ടു. മഴയിൽ തോട് കവിഞ്ഞൊഴുകി വയലിലേക്ക് വെള്ളം ഇരച്ചു കയറി കെട്ടിക്കിടക്കുന്നുണ്ട്. താണു കൊണ്ടിരിക്കുന്ന ലോറി മറിയാതിരിക്കാൻ ഡ്രൈവറും സഹായിയും കയർ ഉപയോഗിച്ചു കെട്ടിക്കൊണ്ടിരിക്കെ കയർ പൊട്ടി ലോറി വെള്ളത്തിലേക്കു മറിയുകയായിരുന്നു.