ഗവ. ആയുർവേദ, ഹോമിയോ ഡിസ്പെൻസറികളിൽ കേന്ദ്രസംഘം പരിശോധന തുടങ്ങി
Mail This Article
കോഴിക്കോട്∙ എൻഎബിഎച്ച് എൻട്രി ലെവൽ സർട്ടിഫിക്കേഷന്റെ ഭാഗമായി ജില്ലയിലെ 5 ഗവ. ആയുർവേദ, 4 ഗവ. ഹോമിയോ ഡിസ്പെൻസറികളിലും ദേശീയ ആയുഷ് മിഷന്റെ കേന്ദ്ര സംഘം പരിശോധന തുടങ്ങി. ചെമ്പനോട, മാവൂർ, ചേളന്നൂർ ഗവ. ആയുർവേദ ഡിസ്പെൻസറികളിൽ ഇന്നലെ പരിശോധന നടത്തി. ഇന്ന് ഉള്ളിയേരി, എടച്ചേരി ആയുർവേ ഡിസ്പെൻസറികളിലും എടച്ചേരി ഹോമിയോ ഡിസ്പെൻസറിയിലും നാളെ നമ്പ്രത്തുകര (കീഴരിയൂർ പഞ്ചായത്ത്), അത്തോളി, കക്കോടി ഹോമിയോ ഡിസ്പെൻസറികളിലുമാണ് പരിശോധന.
എൻഎബിഎച്ച് നാഷനൽ അസസ്സർ പി.പി.രാജൻ, നാഷനൽ ആയുഷ് മിഷൻ ഡിപിഎം ഡോ. അനിന പി.ത്യാഗരാജൻ, ഡിഎംഒമാരായ ഡോ. എസ്.ശ്രീലത (ഐഎസ്എം), ഡോ. കവിതാ പുരുഷോത്തമൻ (ഹോമിയോ), എൻഎബിഎച്ച് നോഡൽ ഓഫിസർ ഡോ. ടി.കെ.ഹൃദ്യ, നാഷനൽ ആയുഷ് മിഷൻ ഫെസിലിറ്റേറ്റർമാരായ ഡോ. കെ.ടി.ജിതേഷ് രാജ്, ഡോ. യു.നിഗിൽ എന്നിവരാണ് പരിശോധന സംഘത്തിലുള്ളത്.