ADVERTISEMENT
Skip ads. Subscribe now.

കോഴിക്കോട്∙ വേങ്ങേരി ദേശീയപാത വികസനവുമായി ബന്ധപ്പെട്ട് ജപ്പാൻ കുടിവെള്ള പൈപ്പ് മാറ്റുന്ന സാഹചര്യത്തിൽ ജില്ലയിലെ 13 പഞ്ചായത്തുകളിലും 2 മുനിസിപ്പാലിറ്റിയിലും കോർപറേഷനിലും ജല വിതരണം ഉച്ചയോടെ നിലച്ചു. കലക്ടറേറ്റിലും സിവിൽ സ്റ്റേഷനിലും വെള്ളം നിലച്ചതോടെ രണ്ടായിരത്തിലേറെ വരുന്ന ജീവനക്കാർ ഉച്ച ഭക്ഷണം കഴിച്ചു കൈ കഴുകാനും പാത്രം കഴുകാനും കഴിയാതെ കുഴങ്ങി. ശുചിമുറികളിൽ വെള്ളം നിലച്ചതോടെ ആകെ ദുരിതമായി. ജീവനക്കാർ കുപ്പിവെള്ളം വാങ്ങിയും ചില ഓഫിസുകൾ 20 ലീറ്ററിന്റെ കുടിവെള്ള കാൻ വാങ്ങിയുമാണു ആവശ്യങ്ങൾ നിറവേറ്റിയത്.കലക്ടറേറ്റിൽ നിന്നു ടാങ്കർ ലോറി അയച്ചാൽ കുടിവെള്ളം നൽകാമെന്നു ജല അതോറിറ്റി അറിയിച്ചിരുന്നു. എന്നാൽ ഇന്നലെ കലക്ടറേറ്റിൽ നിന്നു ലോറി അയച്ചില്ല. താൽക്കാലിക സംവിധാനം എന്ന നിലയിൽ കലക്ടറേറ്റിലേക്കു ഭാഗികമായി നാളെ ജല വിതരണം നടത്തുമെന്നാണു ജല അതോറിറ്റി ഉദ്യോഗസ്ഥർ പറയുന്നത്.

English Summary:

Kozhikode city and surrounding areas experienced a major water supply disruption affecting thousands due to the relocation of a major water pipeline for the Vengery National Highway development project. Public offices like the Collectorate and Civil Station were severely impacted, with employees facing difficulties even accessing water for basic needs. While the Water Authority promised tanker supply upon request, the situation highlights the significant impact of infrastructure development on daily life.

TAGS

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com