കോഴിക്കോട് ജില്ലയിൽ ഇന്ന് (14-11-2024); അറിയാൻ, ഓർക്കാൻ

ഇന്ന് 
∙ മിന്നലോടു കൂടിയ ഇടത്തരം മഴയ്ക്കു സാധ്യത. 
 ∙തിരുവനന്തപുരം,കൊല്ലം,പത്തനംതിട്ട,എറണാകുളം,ഇടുക്കി,പാലക്കാട്, കോഴിക്കോട്,വയനാട് ജില്ലകളിൽ യെലോ അലർട്ട്. മീ‍ൻപിടിത്തത്തിന് തടസ്സമില്ല.
∙ ശബരിമല സന്നിധാനം, പമ്പ, നിലയ്ക്കൽ എന്നിവിടങ്ങളിൽ ഉച്ചയ്ക്കു ശേഷം മിന്നലോടു കൂടിയ ശക്തമായ മഴയ്ക്കു സാധ്യത

കായികാധ്യാപകൻ
കോഴിക്കോട് ∙ പൊക്കുന്ന് ഗവ. ഗണപത് യുപി സ്കൂളിൽ ഫിസിക്കൽ എജ്യുക്കേഷൻ അധ്യാപക അഭിമുഖം 15ന്. 9447847989.

പരിശോധന നടത്തും
കോഴിക്കോട് ∙ അമൃതാ സ്പെഷ്യൽറ്റി ക്ലിനിക്കിൽ ഫാറ്റി ലിവർ, ലിവർ ഫൈബ്രോയ്ഡ്, ലിവർ സിറോസിസ് തുടങ്ങിയ അസുഖങ്ങൾക്ക് സൗജന്യ രോഗ നിർണയവും ടെസ്റ്റും നടത്തുന്നു. 9895788461.

മെഡിക്കൽ ക്യാംപ് ഇന്ന്
കോഴിക്കോട് ∙ ദ് കാലിക്കറ്റ് നോർത്ത് സർവീസ് സഹകരണ ബാങ്കിന്റെ നേതൃത്വത്തിൽ ഇന്നു രാവിലെ 8 മുതൽ കരുവിശ്ശേരി കമ്യൂണിറ്റി ഹാളിൽ സൗജന്യ മെഡിക്കൽ ക്യാംപ് നടക്കും. 0495 2384150.

ഡോക്ടർ നിയമനം
നന്മണ്ട ∙ കൊളത്തൂർ കുടുംബാരോഗ്യ കേന്ദ്രത്തിൽ ആർദ്രം പദ്ധതിയിൽ കരാർ അടിസ്ഥാനത്തിൽ ഡോക്ടറെ നിയമിക്കുന്നു. കൂടിക്കാഴ്ച 20ന് ഉച്ചയ്ക്ക് 2ന് നന്മണ്ട പഞ്ചായത്ത് ഹാളിൽ. 0495 2456191.
മാവൂർ∙ ചെറൂപ്പ ആശുപത്രിയിൽ താൽക്കാലികമായി ഡോക്ടറെ നിയമിക്കുന്നതിനുള്ള അഭിമുഖം 19നു രാവിലെ 10.30ന് കുന്നമംഗലം ബ്ലോക്ക് പഞ്ചായത്ത് ഓഫിസിൽ നടത്തും. വിവരങ്ങൾക്ക്. 0495–2800276.

വൈദ്യുതി മുടക്കം നാളെ
കോഴിക്കോട്∙ നാളെ പകൽ 9 മുതൽ 1 വരെ വെസ്റ്റ്ഹിൽ പരിധിയിൽ ചുങ്കം ജംക്‌ഷൻ, അബ്ദുല്ല അപ്പാർട്മെന്റ്, ജർമൻ മോട്ടോഴ്സ്, വരക്കൽ റെയിൽവേ ഗേറ്റ് റോഡ്, ബാരക്സ്, ഗവ. പോളിടെക്നിക് കോളജ് എന്നിവിടങ്ങളിൽ ഭാഗികം.
∙ 7 – 5: കുന്നമംഗലം പരിധിയിൽ ആനപ്പാറ, ലോയിഡ് വില്ല, ക്വാസർ ടവർ, താഴെ വരട്ടിയാക്ക്, മജെസ്റ്റിക് ടയർ.
∙ 8 – 5: കട്ടാങ്ങൽ പരിധിയിൽ റിലയൻസ് വലിയപൊയിൽ, ദയാപുരം, കമ്പനി മുക്ക് മിനി - 3.

നാളെ പാസ്പോർട്ട് ഓഫിസ് അവധി
കോഴിക്കോട് ∙ ഗുരുനാനാക് ജയന്തി പ്രമാണിച്ച് റീജനൽ പാസ്പോർട്ട് ഓഫിസും മലപ്പുറം, വെസ്റ്റ്ഹിൽ, വടകര, കണ്ണൂർ, പയ്യന്നൂർ പാസ്പോർട്ട് സേവാ കേന്ദ്രങ്ങളും നാളെ അവധിയായിരിക്കും.

ക്വിസ് മത്സരം നാളെ
കോഴിക്കോട്∙ സ്വാതന്ത്ര്യ സമര സേനാനി ഭഗവാൻ ബിർസാ മുണ്ടയുടെ ജന്മദിനത്തോട് അനുബന്ധിച്ച് ജൻ ജാതീയ ഗൗരവ് ദിനത്തിന്റെ ഭാഗമായി നാളെ ജില്ലയിലെ കോളജ് വിദ്യാർഥികൾക്കായി ചേവായൂർ കിർത്താഡ്സ് ക്യാംപസിൽ ക്വിസ് മത്സരം നടത്തുന്നു. 2 പേരടങ്ങുന്ന ടീമാണ് പങ്കെടുക്കേണ്ടത്. പ്രിൻസിപ്പൽ മുഖേന kirtadstrg@gmail.com മെയിലിൽ ഇന്ന് അപേക്ഷിക്കണം. 9847820011.

പിഎസ്‌സി അഭിമുഖം 20ന് 
കോഴിക്കോട്∙ ജില്ലയിലെ പൊതുവിദ്യാഭ്യാസ വകുപ്പിൽ ഹൈസ്‌കൂൾ ടീച്ചർ (ഗണിതം, മലയാളം മീഡിയം, തസ്തിക മാറ്റം വഴി –കാറ്റഗറി  264/2023) തസ്തികയുടെ ചുരുക്കപ്പട്ടികയിൽ ഉൾപ്പെട്ടതും വൺടൈം വെരിഫിക്കേഷൻ പൂർത്തിയാക്കിയിട്ടുള്ളതുമായ ഉദ്യോഗാർഥികൾക്ക് അഭിമുഖം 20ന് പിഎസ്‌സി ജില്ലാ ഓഫിസിൽ നടത്തും. 0495-2371971.

കൗൺസലർ, നഴ്സ് നിയമനം 
കോഴിക്കോട്∙ കേന്ദ്ര സാമൂഹിക നീതി വകുപ്പിന്റെ അംഗീകാരത്തോടെ എംഇടിക്ക് കീഴിൽ നടക്കാവിൽ പ്രവർത്തിക്കുന്ന 'സുരക്ഷ' ലഹരി വിമോചന കേന്ദ്രത്തിലേക്ക് എംഎസ്ഡബ്ല്യൂ കഴിഞ്ഞ കൗൺസലറെയും ജിഎൻഎം/എഎൻഎം കഴിഞ്ഞ നഴ്‌സുമാരെയും ആവശ്യമുണ്ട്. 9846374969.