ആസ്വാദക മനസ്സിൽ സംഗീതമഴ പെയ്യിച്ച് ബാവുൽ ഗായിക

എടപ്പാൾ ∙ ആസ്വാദക മനസ്സുകളിൽ സംഗീതമഴ പെയ്യിച്ച് ശാന്തിപ്രിയയുടെ ബാവുൾ കച്ചേരി അരങ്ങേറി. ഗോൾഡൻ ഫ്രെയിം സംഘടിപ്പിച്ച ‘സുവർണ നിമിഷങ്ങൾ’ പരിപാടിയിലാണ് ബാവുൾ കച്ചേരി അവതരണം നടന്നത്. ബംഗാളി നാടോടി സംഗീതമായ ബാവുൾ സംഗീതത്തോടൊപ്പം ഗുരവാണിയിൽ നിന്നുള്ള ഗാനങ്ങളും ഇവർ ആലപിച്ച് ആസ്വാദകരുടെ കയ്യടി നേടി.

പരിപാടിയിൽ വിവിധ മേഖലകളിൽ മികവ് തെളിയിച്ച ഡോ. കെ.കെ.ഗോപിനാഥൻ, ഡോ. ചാത്തനാത്ത് അച്യുതനുണ്ണി, സി.വി.ഗോവിന്ദൻ എന്നിവരെ ആദരിച്ചു. ജില്ലാ പഞ്ചായത്തംഗം പി.പി.മോഹൻദാസ് ഉദ്ഘാടനം ചെയ്തു. സന്തൂർ കലാകാരൻ ഹരി ആലംകോട് ആധ്യക്ഷ്യം വഹിച്ചു. കെ.നാരായണൻ, എടപ്പാൾ വിശ്വനാഥ്, ഉത്തമൻ കാടഞ്ചേരി, കെ.സനൽ കുമാർ, പി.ജയന്തകുമാർ, പി.എം.കെ.ഉണ്ണി, യു.കെ.മുഹമ്മദ്, മണികണ്ഠൻ കാലടി എന്നിവർ പ്രസംഗിച്ചു.