സഹപാഠിക്ക് വീടൊരുക്കാൻ മെഗാ ബിരിയാണി ചാലഞ്ച്; സ്കൂൾ ഗ്രൗണ്ടിൽ അടുപ്പുകൂട്ടി പാചകം ചെയ്ത് 11 ക്വിന്റൽ ബിരിയാണി
Mail This Article
എടക്കര ∙ ഗവ. ഹയർ സെക്കൻഡറി സ്കൂൾ ഗ്രൗണ്ടിൽ അടുപ്പുകൂട്ടി പാചകം ചെയ്ത് 11 ക്വിന്റൽ ബിരിയാണി. സ്കൂളിലെ എൻഎസ്എസ് യൂണിറ്റിന്റെ നേതൃത്വത്തിൽ സഹപാഠിക്ക് വീട് നിർമിക്കാനുള്ള ഫണ്ട് കണ്ടെത്താനാണ് 10,000 പേർക്കുള്ള ബിരിയാണി തയാറാക്കി വിതരണം ചെയ്തത്. ബിരിയാണിക്കുള്ള ഓർഡറെടുത്തതും എത്തിച്ച് നൽകിയതും വിദ്യാർഥികളാണ്. പാചകത്തൊഴിലാളിയായ ജംഷിയുടെ മേൽനോട്ടത്തിലാണ് ബിരിയാണി തയാറാക്കിയത്.
ബിരിയാണി ചാലഞ്ച് പിടിഎ പ്രസിഡന്റ് ഷാജി എടക്കര ഉദ്ഘാടനം ചെയ്തു.പ്രിൻസിപ്പൽ ഇൻചാർജ് കെ.അഷ്റഫ് അധ്യക്ഷത വഹിച്ചു. എൻഎസ്എസ് കോഓർഡിനേറ്റർ കെ.എം.അഷ്റഫ്, പിടിഎ വൈസ് പ്രസിഡന്റ് ഉമ്മർ വളപ്പൻ, വാർഡ് അംഗം എം.കെ.ധനഞ്ജയൻ, ഷൈനി പാലക്കുഴി, ദിയാ ബഷീർ, അമൻ ഇസ്മായിൽ, അധ്യാപകരായ സമദ് കല്ലറ, കെ.സലീമ, രമ്യ, രഞ്ജിനി, അനില, ഏലിയാമ്മ, അർഷാദ്, മിഖ്ദാദ്, ഷോബിന, ഷിംന, സൗമ്യ, മനു, ഹരി എന്നിവർ നേതൃത്വം നൽകി.