എടക്കര ടൗണിൽ ട്രാഫിക് പരിഷ്കാരം
Mail This Article
എടക്കര ∙ട്രാഫിക് റഗുലേറ്ററി കമ്മിറ്റി തീരുമാന പ്രകാരം എടക്കര ടൗണിൽ ഏർപ്പെടുത്തി പുതിയ പരിഷ്കാരങ്ങൾ: മുണ്ടേരി, പോത്തുകല്ല്, തണ്ണിക്കടവ്, മരുത, പാലേമാട് എന്നിവിടങ്ങളിൽ നിന്ന് വരുന്ന മിനി ബസുകൾ 21 മുതൽ ഇന്ദിരാഗാന്ധി ബസ് ടെർമിനലിൽ ആളെ ഇറക്കി പുതിയ സ്റ്റാൻഡിൽ പാർക്ക് ചെയ്യണം.
വഴിക്കടവ്, മൂത്തേടം ഭാഗത്ത് നിന്ന് നിലമ്പൂർ, കോഴിക്കോട്, പെരിന്തൽമണ്ണ ഭാഗത്തേക്ക് പോവുന്ന ബസുകളുടെ എടക്കര സ്റ്റേഷൻപടിയിലെ സ്റ്റോപ് ശോഭ ഗ്യാസ് ഏജൻസിയുടെ ഭാഗത്തും തിരിച്ച് നിലമ്പൂർ, കോഴിക്കോട്, പെരിന്തൽമണ്ണയിൽ നിന്ന് വഴിക്കടവ്, മൂത്തേടം ഭാഗത്തേക്ക് വരുന്ന ബസുകൾ എടക്കര സ്റ്റേഷൻപടിയിലെ സ്റ്റോപ് എം.ടി.ഗോൾഡ് ലാൻഡിന്റെ ഭാഗത്തും ആയിരിക്കും.
(മിനി ബസുകൾക്കും ഇത് ബാധകമാണ്). സ്റ്റേഷൻപടി മുതൽ മുസല്യാരങ്ങാടി വരെ സിഎൻജി റോഡരികിൽ സ്വകാര്യ സ്വകാര്യ വാഹനങ്ങളുടെ പാർക്കിങ് നിരോധിച്ചു. ദുബായ് മാളിലേക്കുള്ള വാഹനങ്ങളുടെ പ്രവേശനവും പുറത്തുവരലും ഉടമകൾ കൃത്യമായി നിയന്ത്രിക്കണം.