ആ കാട്ടാന ഇനിയും വരും; ഭീതി മാറാതെ നാട്ടുകാർ
Mail This Article
×
എടക്കര ∙ വനപാലകന് നേരെ ആക്രമണത്തിനു ശ്രമിച്ച കാട്ടാന നാട്ടുകാരെ ഭീതിയിലാകുന്നു. ആന കാട് കയറിയെന്ന് വനപാലകർ ഉറപ്പു പറയുമ്പോഴും തിരിച്ചെത്തുമെന്നാണ് നാട്ടുകാരുടെ ആശങ്ക. നിലമ്പൂർ റേഞ്ചിലെ കാഞ്ഞിരപ്പുഴ സ്റ്റേഷൻ പരിധിയിലെ ഏറമ്പാടം ജനവാസ മേഖലയോട് ചേർന്ന് വനത്തിൽ തമ്പടിച്ച ആനയെ തുരത്താൻ തിരച്ചിൽ നടത്തുന്നതിനിടയിലാണ് ബീറ്റ് ഫോറസ്റ്റ് ഓഫിസർ കെ.എൻ.ഹരീഷിനെ കാട്ടാന ഓടിച്ചത്. ആക്രമണത്തിൽനിന്നു തലനാരിഴയ്ക്കാണ് രക്ഷപ്പെട്ടത്.
തിങ്കളാഴ്ച വൈകിട്ട് 4.30ന് ആയിരുന്നു സംഭവം. കാഞ്ഞിരപ്പുഴ ഡപ്യൂട്ടി റേഞ്ച് ഫോറസ്റ്റ് ഓഫിസർ കെ.ഗിരീശന്റെ നേതൃത്വത്തിൽ വനപാലകരും ആർആർടിയും ചേർന്ന് ആനയുടെ നീക്കങ്ങൾ നിരീക്ഷിച്ചു വരികയാണ്. നേരത്തെയും ഈ ആന ജനവാസ കേന്ദ്രങ്ങളിലെത്തി ഭീതി സൃഷ്ടിച്ചിരുന്നു. പലതവണ കാട്ടിലേക്ക് തുരത്തിയെങ്കിലും തിരിച്ചെത്തുകയായിരുന്നു.
English Summary:
Residents of Edakkara, Kerala are on edge after a wild elephant charged at a forest guard. This recent encounter follows a pattern of the elephant venturing into human settlements, raising concerns about safety and human-wildlife conflict.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.