ഉപതിരഞ്ഞെടുപ്പ്: പത്രിക നൽകി സ്ഥാനാർഥികൾ

മലപ്പുറം ∙ ജില്ലാ പഞ്ചായത്ത് തൃക്കലങ്ങോട് ഡിവിഷൻ ഉപതിരഞ്ഞെടുപ്പിൽ യുഡിഎഫ് സ്ഥാനാർഥി മുസ്‍ലിം ലീഗിലെ എൻ.എം.രാജൻ അരീക്കോട് നാമനിർദേശ പത്രിക സമർപ്പിച്ചു. ഡിവിഷൻ അംഗമായിരുന്ന എ.പി.ഉണ്ണിക്കൃഷ്ണന്റെ നിര്യാണത്തെ തുടർന്നാണ് ഉപതിരഞ്ഞെടുപ്പ് നടക്കുന്നത്.  കലക്ടർ വി.ആർ.വിനോദിനാണു പത്രിക സമർപ്പിച്ചത്. ലീഗ് ജില്ലാ ജനറൽ സെക്രട്ടറി പി.അബ്ദുൽ ഹമീദ് എംഎൽഎ, യു.എ.ലത്തീഫ് എംഎൽഎ, ജില്ലാ പഞ്ചായത്ത് പ്രസിഡന്റ് എം.കെ.റഫീഖ, വൈസ് പ്രസിഡന്റ് ഇസ്മായിൽ മൂത്തേടം, എൻ.കെ.കരീം, വി.സുധാകരൻ, കെ.ടി.അഷ്റഫ്,പി.വി.മനാഫ് എന്നിവർ പങ്കെടുത്തു.‌