മലപ്പുറം ജില്ലയിൽ ഇന്ന് (23-11-2024); അറിയാൻ, ഓർക്കാൻ
Mail This Article
കാലാവസ്ഥ
∙ സംസ്ഥാനത്ത് ഇന്ന് മിന്നലോടുകൂടിയ നേരിയ, ഇടത്തരം മഴയ്ക്ക് സാധ്യത.
∙ നിലയ്ക്കൽ, പമ്പ, ശബരിമല സന്നിധാനം എന്നിവിടങ്ങളിൽ ഉച്ചയ്ക്കു ശേഷം നേരിയ മഴയ്ക്ക് സാധ്യത.
∙ മത്സ്യത്തൊഴിലാളികളും തീരദേശവാസികളും ജാഗ്രത പാലിക്കണം.
അധ്യാപക ഒഴിവ്
നാരോക്കാവ് ഹയർ സെക്കൻഡറി സ്കൂളിൽ ഹൈസ്കൂൾ വിഭാഗം അറബിക് താൽക്കാലിക ഒഴിവിലേക്ക് ദിവസ വേതന അടിസ്ഥാനത്തിൽ അധ്യാപക നിയമനത്തിന് അഭിമുഖം 25 ന് 2 ന് വണ്ടൂർ വിദ്യാഭ്യാസ ജില്ലാ ഓഫിസിൽ നടത്തും. 9447536069
രക്തദാന ക്യാംപ്
തിരൂരങ്ങാടി ∙ മൂന്നിയൂർ ഹയർസെക്കൻഡറി സ്കൂളിൽ നാഷനൽ സർവീസ് സ്കീം പെരിന്തൽമണ്ണ ജില്ലാ ആശുപത്രിയുമായി സഹകരിച്ച് രക്തദാന ക്യാംപ് നടത്തി. മെഡിക്കൽ ഓഫിസർ ഡോ പുള്ളാട്ട് റഫീഖ് ഉദ്ഘാടനം ചെയ്തു. നസീബ അധ്യക്ഷത വഹിച്ചു. ഡോ. അനസ്, രാജേഷ്, അശ്വതി, ജുബൈരിയ, ഉമ്മു ഹബീബ, എം. മുഹമ്മദ് റഈസ്, ടി. മോഹൻ, വി.കെ. മുഹമ്മദ് അബ്ദുറഹിമാൻ എന്നിവർ പ്രസംഗിച്ചു.
ജോലി ഒഴിവ്
പെരിന്തൽമണ്ണ നഗരസഭയിൽ അർബൻ പ്രൈമറി ഹെൽത്ത് ആൻഡ് വെൽനസ് സെന്ററിൽ ഫാർമസിസ്‌റ്റിന്റെ ഒഴിവുണ്ട്. മുഖാമുഖം 25 ന് രാവിലെ 10.30ന് നഗരസഭാ ഹാളിൽ.
∙ പട്ടിക്കാട് പള്ളിക്കുത്ത് ജിഎംഎൽപി സ്കൂളിൽ രണ്ട് അധ്യാപകരുടെയും ഒരു ജൂനിയർ അറബിക് അധ്യാപകന്റെയും തസ്‌തികകളിൽ താൽക്കാലിക ഒഴിവുണ്ട്. മുഖാമുഖം 27 ന് രാവിലെ 10.30. ന്.