തേങ്ങ ഉടച്ച്, പുതിയ ഇവി ഓടിച്ച് ജർമൻ അംബാസഡർ; കാറിനുള്ളിൽ നാരങ്ങയും പച്ചമുളകും ചേർത്ത മാല

ന്യൂഡൽഹി ∙ ഇന്ത്യൻ ആചാരങ്ങളോടെ പുതിയ കാർ സ്വന്തമാക്കി ജർമൻ അംബാസഡർ ഫിലിപ് ആക്കർമാൻ. ഔദ്യോഗിക വാഹനമായി വാങ്ങിയ പുതിയ ഇലക്ട്രോണിക് കാറിന്റെ യാത്ര ആരംഭിക്കുന്നതിനു മുൻപാണ് ഇന്ത്യൻ വിശ്വാസം അനുസരിച്ച് അദ്ദേഹം തേങ്ങ ഉടച്ചത്. നാരങ്ങയും പച്ചമുളകും ചേർത്ത ചെറിയ മാലയും കാറിനുള്ളിൽ തൂക്കിയിടുകയും ചെയ്തു. ദുഷ്ടശക്തികളെ അകറ്റാൻ ഇതിലൂടെ സാധിക്കുമെന്നാണു വിശ്വാസം. ‘ശൈത്യകാലത്ത് വായു മലിനീകരണം ഏറെയാണ്. മലിനീകരണം കുറയ്ക്കാൻ എന്തെങ്കിലും ചെയ്യണമെന്ന തോന്നലിൽ നിന്നാണ് ഇവിയിലേക്കു മാറാനുള്ള തീരുമാനം’ അദ്ദേഹം പറഞ്ഞു.