പാലക്കാട് ജില്ലയിൽ ഇന്ന് (05-10-2024); അറിയാൻ, ഓർക്കാൻ

പുരസ്കാരത്തിന് കൃതികൾ ക്ഷണിച്ചു; ഒറ്റപ്പാലം∙ റഫറൻസ് ലൈബ്രറി-ജനകീയ വായനശാലയുടെ എഴുത്തോല-കെ.വി.കാർത്തികേയൻ സ്മാരക പുരസ്കാരത്തിനു കൃതികൾ ക്ഷണിച്ചു. കാൽലക്ഷം രൂപയും ഫലകവും പ്രശസ്തിപത്രവും ഉൾപ്പെട്ടതാണു പുരസ്കാരം. സാഹിത്യനിരൂപണ വിഭാഗത്തിലുള്ള പുസ്തകങ്ങളാണു പരിഗണിക്കുന്നത്.  നവാഗത എഴുത്തുകാർക്കു മുൻഗണന നൽകും. ‍2022നും 2024നും ഇടയ്ക്കു പ്രസിദ്ധീകരിച്ച പുസ്തകങ്ങളുടെ 3 കോപ്പികൾ വീതം ഈമാസം 25നു മുൻപ് സെക്രട്ടറി, എഴുത്തോല-കെ.വി.കാർത്തികേയൻ പുരസ്കാരം 2024, റഫറൻസ് ലൈബ്രറി ആൻഡ് ജനകീയ വായനശാല, ബസ് സ്റ്റാൻഡിനു സമീപം, ഒറ്റപ്പാലം 679101 എന്ന വിലാസത്തിൽ ലഭിക്കണം. ഫോൺ: 9847284650, 9447255422.

കുടിശിക ഒടുക്കൽ:കാലാവധി നീട്ടി
പാലക്കാട് ∙ കേരള മോട്ടർ തൊഴിലാളി ക്ഷേമനിധി പദ്ധതി അംഗങ്ങളായ തൊഴിലാളികൾക്ക് കുടിശിക ഒടുക്കാനുള്ള കാലാവധി 2024 ഡിസംബർ 31 വരെ നീട്ടി.

വനിതാ ഫുട്ബോൾ ഇന്നു തുടങ്ങും
പാലക്കാട് ∙ കേരള ഫുട്ബോൾ അസോസിയേഷന്റെ നേതൃത്വത്തിൽ രാജ്മാതാ ജീജാഭായ് ട്രോഫിക്കായുള്ള ദേശീയ സീനിയർ വനിതാ ചാംപ്യൻഷിപ്പിന്റെ ഉദ്ഘാടനം ഇന്ന് 3.30ന് വടക്കഞ്ചേരി ടിഎംകെ അരീനയിൽ നടക്കും. ചാംപ്യൻഷിപ്പിന്റെ ഗ്രൂപ്പ് എ മത്സരങ്ങൾ ജില്ലയിൽ ഇന്നും 7, 9 തീയതികളിലായും നടക്കും. കേരളവും ഹിമാചൽപ്രദേശും ഇന്ന് ഏറ്റുമുട്ടും. 7ന് കേരള–തമിഴ്നാട്, 9ന് കേരള – ഗോവ മത്സരങ്ങളും നടക്കും.

അധ്യാപക നിയമനം 
മലമ്പുഴ ∙ ആനക്കൽ ഗവ.ട്രൈബൽ വെ‍ൽഫെയർ ഹൈസ്കൂളിൽ എച്ച്എസ്ടി ഇംഗ്ലിഷ് തസ്തികയിലേക്കുള്ള താൽക്കാലിക നിയമന കൂടിക്കാഴ്ച 8നു 11നു സ്കൂളിൽ നടക്കും. ഫോൺ: 9895233140.