മണ്ണാർക്കാട് ഉപജില്ലാ ശാസ്ത്രമേള: പൊറ്റശ്ശേരി ജിഎച്ച്എസ് ജേതാക്കൾ
Mail This Article
മണ്ണാർക്കാട്∙മണ്ണാർക്കാട് ഉപജില്ലാ ശാസ്ത്ര മേളയിൽ 680 പോയിന്റ് നേടി പൊറ്റശ്ശേരി ജിഎച്ച്എസ് ഓവറോൾ ചാംപ്യൻമാരായി. 660 പോയിന്റ് നേടിയ തച്ചമ്പാറ ഡിബിഎച്ച്എസ് രണ്ടാം സ്ഥാനവും 560 പോയിന്റ് നേടി മണ്ണാർക്കാട് എംഇഎസ് എച്ച്എസ്എസ് മൂന്നാം സ്ഥാനവും നേടി.സയൻസ് ഫെയറിൽ 84 പോയിന്റ് നേടിയ ശബരി എച്ച്എസ് പള്ളിക്കുറുപ്പിനാണ് ഓവറോൾ കിരീടം. 69 പോയിന്റ് നേടിയ ഡിബിഎച്ച്എസ് തച്ചമ്പാറ രണ്ടാം സ്ഥാനവും 62 പോയിന്റ് നേടിയ ജിഎസ്എസ് പൊറ്റശ്ശേരി മൂന്നാം സ്ഥാനവും നേടി.
ഗണിതമേളയിൽ കുമരംപുത്തൂർ കല്ലടി എച്ച്എസ്എസിനാണ് ഓവറോൾ (180 പോയിന്റ്). എംഇഎസ് എച്ച്എസ്എസ് രണ്ടാം സ്ഥാനവും (171) തച്ചമ്പാറ ഡിബിഎച്ച്എസ് മൂന്നാം സ്ഥാനവും (147) നേടി. സാമൂഹികശാസ്ത്രമേളയിൽ പൊറ്റശ്ശേരി ഓവറോൾ ചാംപ്യൻമാരായി (90 പോയിന്റ്). 83 പോയിന്റ് നേടി അലനല്ലൂർ ജിഎച്ച്എസ്എസും 58 പോയിന്റ് നേടി തെങ്കര ജിഎച്ച്എസ്എസും ജേതാക്കളായി. പ്രവൃത്തിപരിചയമേളയിൽ 352 പോയിന്റ് നേടി ജിഎച്ച്എസ് പൊറ്റശ്ശേരി ജേതാക്കളായി. ജിഎച്ച്എസ്എസ് എടത്തനാട്ടുകര 351 പോയിന്റ് നേടി രണ്ടാം സ്ഥാനവും 346 പോയിന്റ് നേടി ഡിബിഎച്ച്എസ് തച്ചമ്പാറ മൂന്നാം സ്ഥാനവും നേടി. ഐടി മേളയിൽ 69 പോയിന്റ് മണ്ണാർക്കാട് എംഇഎസ്എച്ച്എസ്എസാണ് ഓവറോൾ കിരീടം നേടിയത്. 52 പോയിന്റ് വീതം നേടി കെഎച്ച്എസ് കുമരംപുത്തൂരും കെടിഎം എച്ച്എസും രണ്ടാം സ്ഥാനത്ത് എത്തി.