പാലക്കാട് ജില്ലയിൽ ഇന്ന് (22-10-2024); അറിയാൻ, ഓർക്കാൻ

ശുദ്ധജല വിതരണം മുടങ്ങും: കൊഴിഞ്ഞാമ്പാറ ∙ കുന്നങ്കാട്ടുപതി, മൂങ്കിൽമട എന്നീ ജലശുദ്ധീകരണ ശാലകളിൽ ശുചീകരണ പ്രവൃത്തികൾ നടക്കുന്നതിനാൽ കൊഴിഞ്ഞാമ്പാറ, എരുത്തേമ്പതി, വടകരപ്പതി, എലപ്പുള്ളി, നല്ലേപ്പിള്ളി, പെരുമാട്ടി, പട്ടഞ്ചേരി പഞ്ചായത്തുകളിൽ ഇന്നു മുതൽ വ്യാഴാഴ്ച വരെ ശുദ്ധജലവിതരണം മുടങ്ങുമെന്നു ജല അതോറിറ്റി അധികൃതർ അറിയിച്ചു.

ഡ്രാഫ്റ്റ്സ്മാൻ ഒഴിവ്
പാലക്കാട് ∙ മരുതറോഡ് ഗവ. ടെക്നിക്കൽ ഹൈസ്കൂളിൽ ഡ്രാഫ്റ്റ്സ്മാൻ മെക്കാനിക്കൽ തസ്തികയിൽ ദിവസവേതനാടിസ്ഥാനത്തിൽ ഒഴിവുണ്ട്. യോഗ്യത: ഡിപ്ലോമ (മെക്കാനിക്കൽ എൻജിനീയറിങ്). കൂടിക്കാഴ്ച ഇന്നു രാവിലെ 10ന്. 9447522338.

സീറ്റൊഴിവ്
പാലക്കാട് ∙ ജില്ലയിൽ 2024-26 വർഷത്തെ ഡിഎൽഎഡ് (ടിടിസി) കോഴ്സിൽ സ്വാശ്രയ സ്ഥാപനങ്ങളിൽ സീറ്റുകൾ ഒഴിവുണ്ട്. കൂടിക്കാഴ്ച 24ന് രാവിലെ 10.30ന് പാലക്കാട് സിവിൽ സ്റ്റേഷനിലുള്ള വിദ്യാഭ്യാസ ഉപഡയറക്ടറുടെ ഓഫിസിൽ നടക്കും. പുതിയ അപേക്ഷകളും പരിഗണിക്കും. സർട്ടിഫിക്കറ്റുകളുമായി എത്തണം. 6238663363.

അധ്യാപക ഒഴിവ്
കൂറ്റനാട് ∙ ചാലിശ്ശേരി ഗവ.ഹയർ സെക്കൻഡറി സ്കൂളിൽ ഹൈസ്കൂൾ വിഭാഗത്തിൽ എച്ച്എസ്എ മലയാളം, എച്ച്എസ്ടി നാച്വറൽ സയൻസ് എന്നീ അധ്യാപക ഒഴിവ്. കൂടിക്കാഴ്ച 23ന് ഉച്ചയ്ക്ക് രണ്ടിന് നടക്കും.

കൺട്രോൾ റൂംതുടങ്ങി
പാലക്കാട് ∙ ഉപതിരഞ്ഞെടുപ്പുമായി ബന്ധപ്പെട്ട പെരുമാറ്റച്ചട്ട ലംഘനം അറിയിക്കുന്നതിനായി ജില്ലാ പ്ലാനിങ് ഓഫിസറുടെ നേതൃത്വത്തിൽ പരാതി പരിഹാര കൺട്രോൾ റൂം പ്രവർത്തനം തുടങ്ങി. പരാതികൾ അറിയിക്കാൻ: 0491-2505350, 9400428667.

∙ ഒറ്റപ്പെട്ട സ്ഥലങ്ങളിൽ മിന്നലോടു കൂടിയ മഴയ്ക്കും മണിക്കൂറിൽ 40 കിലോമീറ്റർ വരെ വേഗമുള്ള ശക്തമായ കാറ്റിനും സാധ്യത