പാലക്കാട് ജില്ലയിൽ ഇന്ന് (18-11-2024); അറിയാൻ, ഓർക്കാൻ
Mail This Article
ഗതാഗത നിരോധനം; പട്ടാമ്പി ∙ നിള ആശുപത്രി - ഷൊർണൂർ ഐപിടി റോഡിൽ പുനരുദ്ധാരണ പ്രവൃത്തിയുടെ ഭാഗമായി മനപ്പടി സൗദി സ്റ്റീൽ മുതൽ മഞ്ഞളുങ്ങൽ പാടം വരെയുള്ള ഭാഗത്ത് ടാറിങ് നടക്കുന്നതിനാൽ 23ന് ഉച്ചയ്ക്ക് ഒന്നു മുതൽ 25ന് രാത്രി 12 വരെ ഗതാഗതം നിരോധിച്ചു. പാലക്കാട് ഭാഗത്തു നിന്ന് പട്ടാമ്പിയിലേക്കു വരുന്ന വാഹനങ്ങൾ വാണിയംകുളത്ത് നിന്ന് വലത്തേക്കു തിരിഞ്ഞ് വല്ലപ്പുഴ - പട്ടാമ്പിയിലേക്കു തിരിച്ചും പോകേണ്ടതാണ്. പാലക്കാട് ഭാഗത്തുനിന്ന് ഗുരുവായൂർ, കുന്നംകുളം ഭാഗത്തേക്കു പോകുന്ന വാഹനങ്ങൾ കുളപ്പുള്ളി - ചെറുതുരുത്തി - കൂട്ടുപാത വഴിയും തിരിച്ചും പോകേണ്ടതാണെന്ന് എക്‌സിക്യൂട്ടീവ് എന്‍ജിനീയര്‍ (കെആർഎഫ്ബിപി.എംയു) അറിയിച്ചു.
അധ്യാപക നിയമനം
എടത്തനാട്ടുകര ∙ എടത്തനാട്ടുകര ഗവ. ഹയർ സെക്കൻഡറി സ്കൂളിൽ ദിവസ വേതനാടിസ്ഥാനത്തിൽ എച്ച്എസ്എസ്ടി സീനിയർ മാത്തമാറ്റിക്സ് താൽക്കാലിക അധ്യാപക നിയമനത്തിനായുള്ള കൂടിക്കാഴ്ച 21ന് രാവിലെ 10ന് ഹയർ സെക്കൻഡറി ഓഫിസിൽ നടക്കും.
വൈദ്യുതി മുടങ്ങും
വാൽപാറ∙ അയ്യർപാടി 110 കെവി സബ് സ്റ്റേഷനിൽ മാസം തോറും നടക്കാറുള്ള അറ്റകുറ്റ പണികൾക്കായി ഇന്ന് രാവിലെ 9 മുതൽ വൈകുന്നേരം 4 വരെ വൈദ്യുതി മുടങ്ങും. അയ്യർപാടി, റൊട്ടിക്കട, ആട്ടക്കട്ടി, വാട്ടർഫാൾ, കരിമല നടായ്മല, സിങ്കോണ, നല്ലകാത്തു, മൂഡീസ്, പന്നിമേഡ്, അപ്പർ ഷോളയാർ ഡാം, മുരുകാളി, ഷേക്കാൾമുടി, ചെനിയപ്പ എസ്റ്റേറ്റ്, ഉരുളിക്കൽ, പഴയ വാൽപാറ, വില്ലോണി, മാനാമ്പള്ളി,എന്നിവിടങ്ങളിലാണ് വൈദ്യുതി തടസ്സപ്പെടുന്നത്.
