മാഹി മദ്യവുമായി 3 പേർ അറസ്റ്റിൽ
Mail This Article
മണ്ണാർക്കാട് ∙ മാഹിയിൽ നിന്ന് അട്ടപ്പാടിയിലേക്ക് കടത്തിയ മദ്യവുമായി മൂന്നു പേരെ ആര്യമ്പാവിൽ എക്സൈസ് അറസ്റ്റ് ചെയ്തു. ഇവരിൽ നിന്ന് 55 ലീറ്റർ മാഹി മദ്യം പിടികൂടി. തിരൂർ പുറത്തൂർ കരുവാൻപറമ്പിൽ സനീഷ് (30), പെരിന്തൽമണ്ണ എടപ്പറ്റ തയ്യിൽ ബാദുഷ (29), വടകര അഴിയൂർ ചോമ്പാല മടപ്പറമ്പത്ത് രാമദാസ് (61) എന്നിവരാണ് അറസ്റ്റിലായത്. മാഹിയിൽ നിന്നു മദ്യം കടത്തുന്നുവെന്ന വിവരം ലഭിച്ചതിനെ തുടർന്നു മണ്ണാർക്കാട് എക്സൈസ് സംഘം നടത്തിയ പരിശോധനയിലാണ് ഇവർ പിടിയിലായത്.
മറ്റൊരു കേസിൽ പ്രതിയായ രാമദാസ് വാഹനത്തിനു സമീപം നിൽക്കുന്നതു കണ്ടു സംശയം തോന്നി നടത്തിയ പരിശോധനയിൽ 106 കുപ്പികളിലായി 55 ലീറ്റർ മദ്യം കണ്ടെടുത്തു. എക്സൈസ് ഇൻസ്പെക്ടർ അബ്ദുൽ അഷ്റഫ്, അസി.എക്സൈസ് ഇൻസ്പെക്ടർ കെ.മനോജ്, പ്രിവന്റീവ് ഓഫിസർമാരായ എ.ഹംസ, സി.കൃഷ്ണദാസ്, സിഇഒമാരായ അലി അഷ്കർ, അശ്വന്ത്, പിന്റു, വിവേക്, എക്സൈസ് ഡ്രൈവർ ജയപ്രകാശ് എന്നിവർ ചേർന്നാണു പിടികൂടിയത്.