ഭീഷണിയായി പാലത്തിൽ കടന്നൽക്കൂട്

കല്ലൂപ്പാറ ∙ പാലത്തിലെ കടന്നൽക്കൂട് യാത്രക്കാർക്ക് ഭീതിയുയർത്തുന്നു. പുറമറ്റം – പുതുശേരി റോഡിലെ കറുത്തവടശേരിക്കടവ് പാലത്തിന്റെ അടിയിലായി കൂടുകൂട്ടിയ കടന്നൽ കൂടാണ് യാത്രക്കാർക്ക് ആശങ്ക ഉയർത്തുന്നത്. പാലത്തിന്റെ പുറമറ്റം ഭാഗത്തെ ഒന്നാം സ്പാനിന് മുകളിലാണ് കൂട് കൂട്ടിയതെങ്കിലും ഇളകി വരാനും സാധ്യത ഏറെയാണ്. നിരവധി ആളുകൾ കാൽനടയായും ഇരുചക്രവാഹനത്തിലും സഞ്ചരിക്കുന്ന പാലത്തിൽ കടന്നൽ കൂട്ടുകൂട്ടിയതോടെ ഇതുവഴി സഞ്ചരിക്കുന്നവർ വലിയ ഭീതിയിലാണ്. യാത്രക്കാർക്ക് ഭീഷണിയായ കടന്നൽ കൂടി നശിപ്പിക്കുന്നതിനുള്ള നടപടികൾ ബന്ധപ്പെട്ടവർ സ്വീകരിക്കണമന്നാണ് യാത്രക്കാരുടെ ആവശ്യം.