പത്തനംതിട്ട ജില്ലയിൽ ഇന്ന് (05-11-2024); അറിയാൻ, ഓർക്കാൻ
Mail This Article
വൈദ്യുതിമുടക്കം
തോട്ടഭാഗം വൈദ്യുതി സെക്‌ഷന്റെ പരിധിയിൽവരുന്ന മഞ്ഞാടി, പാറക്കാമണ്ണിൽ, ജെ കോംപ്ലക്സ്, ചൈതന്യ, ഡക് ഹാച്ചറി, എവിയൻ ലാബ്, സെപ്റ്റി, ഹൗസിങ് ബോർഡ്, ഗോസ്പൽ ഫോർ ഏഷ്യ, ഇന്റർനാഷനൽ ട്രിബ്യൂട്ട്, ഇന്റർ നാഷനൽ ഗാർഡൻ ഗേറ്റ്, നെടുമ്പ്രത്തുമല ഇവാൻജലിക്കൽ ചർച്ച്, എന്നീ ട്രാൻസ്‌ഫോമറുകളുടെ പരിധിയിൽ ഇന്ന് 9മുതൽ 5വരെ വൈദ്യുതി മുടങ്ങും.
ലൈഫ് ഗാർഡ് നിയമനം
റാന്നി∙ ശബരിമല തീർഥാടനവുമായി ബന്ധപ്പെട്ട് റാന്നി–പഴവങ്ങാടി പഞ്ചായത്തിൽ 2 ലൈഫ് ഗാർഡിനെ നിയമിക്കുന്നു. 18നും 60നും മധ്യേ പ്രായമുള്ള നീന്തൽ അറിയുന്ന പുരുഷന്മാരി‍ൽ നിന്നും അപേക്ഷ ക്ഷണിച്ചു. അപേക്ഷാ തീയതി 7 വരെ.
ഇടത്താവളത്തിൽ ജോലി ഒഴിവ്
ചിറ്റാർ∙ശബരിമല തീർഥാടനവുമായി ബന്ധപ്പെട്ട് ഇടത്താവളത്തിലെ സെക്യൂരിറ്റി–ക്ലീനർ തസ്തികയിലേക്കു പുരുഷൻമാരിൽ നിന്നു താൽക്കാലിക നിയമനത്തിന് അപേക്ഷ ക്ഷണിച്ചു. 7നു വൈകിട്ട് നാലിനു മുൻപായി പഞ്ചായത്ത് ഓഫിസിൽ അപേക്ഷ നൽകണമെന്ന് സെക്രട്ടറി അറിയിച്ചു.
ക്ഷീര സംരംഭകത്വ പരിശീലനം
പെരുമ്പെട്ടി∙ ക്ഷീര സംഘത്തിൽ ഇന്ന് 10ന് ക്ഷീര സംരംഭകത്വ പരിശീലനം നടക്കും. വിധഗ്ധർ ക്ലാസുകൾ നയിക്കും
തപാൽ ആധാർ മേള
പെരുമ്പെട്ടി∙ തപാൽ ഓഫിസിൽ 8ന് 10ന് തപാൽ, ആധാർ മേള നടക്കും. തപാൽ സംബന്ധമായ സേവനങ്ങളും പദ്ധതികളിൽ ചേരുന്നതിനുള്ള അവസരം. ആധാർ എൻറോൾമെന്റ്, തെറ്റുകൾ തിരുത്തുന്നതിനുമള്ള സൗകര്യവും ലഭ്യമാണ്.
