പത്തനംതിട്ട ജില്ലയിൽ ഇന്ന് (09-11-2024); അറിയാൻ, ഓർക്കാൻ

ഇന്ന് 
∙  ബാങ്ക് അവധി

കാലാവസ്ഥ
∙ സംസ്ഥാനത്ത് മിന്നലോടുകൂടിയ ശക്തമായ മഴയ്ക്ക് സാധ്യത
∙ കടലിൽ മീൻപിടിത്തത്തിനു പോകുന്നവർ ജാഗ്രത പാലിക്കണം

കടവുകളിൽ ലൈഫ് ഗാർഡ് നിയമനം
പേട്ട ∙ ശബരിമല തീർഥാടന കാലത്ത് അങ്ങാടി പഞ്ചായത്തുകളിലെ കടവുകളിൽ ലൈഫ് ഗാർ‌ഡുകളെ നിയമിക്കുന്നതിന് അപക്ഷ ക്ഷണിച്ചു. പ്രായം 20–40 വരെ. കായികക്ഷമതയും നീന്തൽ വൈദഗ്ധ്യവും വേണം. പഞ്ചായത്തിൽ സ്ഥിര താമസക്കാരായിരിക്കണം. താൽപര്യമുള്ളവർ സ്ഥിര താമസം തെളിയിക്കുന്ന രേഖകൾ സഹിതം 12ന് വൈകിട്ട് 4ന് മുൻപ് അപേക്ഷ നൽകണമെന്ന് സെക്രട്ടറി അറിയിച്ചു.

കമ്യൂണിറ്റി വിമൻ ഫെസിലിറ്റേറ്റർ
മലയാലപ്പുഴ ∙ പഞ്ചായത്തിലെ 2024–25 വാർഷിക പദ്ധതിയിൽ ഉൾപ്പെടുത്തി നടപ്പിലാക്കുന്ന ജെൻഡർ റിസോഴ്സ് സെന്റർ പ്രവർത്തനം പദ്ധതിയിലേക്ക് കമ്യൂണിറ്റി വിമൻ ഫെസിലിറ്റേറ്ററുടെ വാക് ഇൻ ഇന്റർവ്യൂ നടത്തുന്നു. വുമൺ സ്റ്റഡീസ്, ജെൻഡർ സ്റ്റഡീസ്, സോഷ്യൽവർക്ക്, സോഷ്യോളജി, സൈക്കോളജി എന്നീ വിഷയങ്ങളിൽ ബിരുദാനന്തര ബിരുദമുള്ള വനിതകൾ അസ്സൽ രേഖകൾ സഹിതം 14ന് 10.30ന് പഞ്ചായത്ത് ഓഫിസിൽ എത്തണം.

വിദ്യാഭ്യാസ അവാർഡ്
ചെന്നീർക്കര ∙ സർവീസ് സഹകരണ ബാങ്കിന്റെ നേതൃത്വത്തിൽ സഹകാരികളുടെ മക്കൾക്ക് വിദ്യാഭ്യാസ അവാർഡുകൾ വിതരണം ചെയ്യുന്നു. കഴിഞ്ഞ എസ്എസ്എൽസി, പ്ലസ് ടു പരീക്ഷകളിൽ മുഴുവൻ വിഷയങ്ങൾക്കും എ പ്ലസ് നേടിയ വിദ്യാർഥികൾക്ക് 30ന് എസ്എൻഡിപി ഹയർ സെക്കൻഡറി സ്കൂളിൽ അവാർഡ് വിതരണം ചെയ്യും. അർഹരായവർ 25ന് 5ന് മുൻപ് സ്വയം സാക്ഷ്യപ്പെടുത്തിയ സർട്ടിഫിക്കറ്റും ഒരു ഫോട്ടോയും സഹിതം അപേക്ഷ സമർപ്പിക്കണം. 7559835094.

സൗജന്യ രോഗനിർണയ ക്യാംപ് ഇന്ന്
കുമ്പഴ ∙ ലൈഫ് കെയർ സൊസൈറ്റി, ആസ്റ്റർ ലാബ് പത്തനംതിട്ട, കുമ്പഴ മേഖലാ കുടുംബസമിതി എന്നിവയുടെ നേതൃത്വത്തിൽ ഇന്ന് 7.30ന് പനംതോപ്പ് കെപിഎംഎസ് മന്ദിരത്തിൽ സൗജന്യ രോഗനിർണയ ക്യാംപ് നടത്തും. നഗരസഭ ആരോഗ്യകാര്യ സ്ഥിരം സമിതി അധ്യക്ഷൻ ജെറി അലക്സ് ഉദ്ഘാടനം ചെയ്യും.

വൈദ്യുതി മുടക്കം
∙ മുണ്ടൻപാറ, സീതക്കുഴി, സീതത്തോട് ടൗൺ, സീതത്തോട് ഹൈസ്കൂൾ ഭാഗത്തേക്കു രാവിലെ 6 മുതൽ 5 വരെ വൈദ്യുതി മുടങ്ങും.