മുൻപ് വർഷത്തിൽ ഒന്നോ രണ്ടോ പ്രാവശ്യം, ഇപ്പോൾ സ്ഥിരമായി എത്തുന്നു; ആശങ്കയായി മയിലുകളുടെ വരവ്
Mail This Article
×
എഴുമറ്റൂർ ∙ മയിലുകളുടെ കൂട്ടമായുള്ള കടന്നുവരവ് മേഖലയിൽ ആശങ്കയ്ക്കു വഴിവയ്ക്കുന്നു. വീടുകളുടെ പിന്നാമ്പുറങ്ങളിലും അടുക്കളത്തോട്ടങ്ങളിലും പറന്നിറങ്ങുന്ന ഇവ വിളകൾ നശിപ്പിക്കുകയാണ്. വായനക്കവല, വേങ്ങഴ, കണ്ണച്ചതേവർ ക്ഷേത്രപരിസരം, മുളപ്പോൺ, സ്കൂൾ ഗ്രൗണ്ട്, ചിറയ്ക്കൽ, പുറ്റത്താനി മേഖലയിലാണ് ഇവയുടെ വിളയാട്ടം. രണ്ട് ആൺമയിലും 7 പെൺ മയിലുകളുമാണ് ചുറ്റിത്തിരിയുന്നത്. മേഖലയിലെ മിക്ക വീടുകളിലും ഇപ്പോൾ മയിലുകളെ കണികണ്ടാണ് ഉയരുന്നത്. ചിലയിടങ്ങളി‍ൽ അരിയും കടലയും മയിലുകൾക്കായി മുറ്റത്ത് പാത്രങ്ങളിൽ വച്ചിട്ടുമുണ്ട്.
ഇരുട്ട് പടരുന്നതുവരെ പരിസരങ്ങളിൽ ചുറ്റിത്തിരിഞ്ഞ ശേഷം ഇവ ആൾത്താമസമില്ലാത്ത പുരയിടങ്ങളിലെ പടുകൂറ്റൻ വൃക്ഷങ്ങളിലേക്ക് ചേക്കേറുകയാണ് പതിവ്. മുൻപ് വർഷത്തിൽ ഒന്നോ രണ്ടോ പ്രാവശ്യം വന്നിരുന്ന മയിലുകൾ ഇപ്പോൾ പ്രദേശത്ത് സ്ഥിരമായി തമ്പടിച്ചിരുക്കുകയാണ്.
English Summary:
Ezhumattoor residents are grappling with an unexpected problem: a flock of peacocks has become permanent residents, causing damage to crops and gardens. While beautiful, their presence has sparked concerns about agricultural losses and potential solutions.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
