ക്ഷേത്രത്തിനുള്ളിൽ കടന്ന് യുവാവിന്റെ മോഷണ ശ്രമം

പാറശാല∙ക്ഷേത്രത്തിനുള്ളിൽ കടന്ന് യുവാവിന്റെ മോഷണ ശ്രമം. അയിര ചൂണ്ടിക്കൽ ക്ഷേത്രത്തിൽ തിങ്കൾ രാത്രി  പന്ത്രണ്ടരയോടെ  ആണ് സംഭവം. ഇന്നലെ രാവിലെ ജീവനക്കാർ സിസിടിവി ദൃശ്യങ്ങൾ പരിശോധിച്ചപ്പോഴാണ് മോഷണ ശ്രമം വ്യക്തമായത്. മതിൽ ചാടി ക്ഷേത്ര വളപ്പിൽ കടന്ന മോഷ്ടാവ് ശ്രീകോവിലിനു സമീപം ആദ്യം എത്തുകയും തുടർന്ന് മണ്ഡപത്തിൽ എത്തി നമസ്ക്കരിച്ച ശേഷം കിണറ്റിൽ നിന്ന് വെള്ളം കോരി കുടിക്കുകയും ചെയ്തു. ഉപദേവത ക്ഷേത്രങ്ങളിൽ എത്തി ഇയാൾ പരിശോധന നടത്തുന്നുണ്ട്.പതിനഞ്ച് മിനിറ്റോളം ക്ഷേത്ര വളപ്പിൽ കറങ്ങിയ ശേഷം യുവാവ് മതിൽ ചാടി പുറത്തേക്ക് പോയി. ബൈപാസിൽ മാലിന്യ ലോറികൾ നിരീക്ഷിക്കാൻ എത്തിയ യുവാക്കളുടെ സാന്നിധ്യം ശ്രദ്ധയിൽ പെട്ടതോടെ ആണ് യുവാവ് മോഷണ ശ്രമം ഉപേക്ഷിച്ച് പോയതെന്നും സംശയമുണ്ട്. സിസിടിവി ദൃശ്യങ്ങളുമായി സാദ്യശ്യം തോന്നുന്ന ഒരാളെ ഇന്നലെ പെ‍ാഴിയൂർ പെ‍ാലീസ് കസ്റ്റഡിയിൽ എടുത്തെങ്കിലും അന്വേഷണത്തിൽ പങ്കില്ലെന്ന് വ്യക്തമായതോടെ വിട്ടയച്ചു.