അമരവിള– ധനുവച്ചപുരം റോഡ്: ഭീഷണി ഉയർത്തി മെറ്റിൽ കൂന; കാത്തിരിക്കുന്നത് വൻ അപകടത്തിനോ?
Mail This Article
×
പാറശാല∙ തിരക്കേറിയ അമരവിള–ധനുവച്ചപുരം റോഡ് വശത്തെ മെറ്റിൽ കൂന അപകട ഭീഷണി ഉയർത്തുന്നു. താന്നിമൂടിനു സമീപം പഴയ സബ് റജിസ്ട്രാർ ഒ‍ാഫിസിനു മുന്നിൽ ആണ് റോഡിന്റെ കാൽ ഭാഗത്തോളം കയ്യേറി മൂന്നു ലോഡ് മെറ്റിൽ ഇട്ടിരിക്കുന്നത്. ഒരു മാസത്തോളമായി ഇതാണ് അവസ്ഥ. അപകടങ്ങൾ വർധിച്ചതോടെ ഒരാഴ്ച മുൻപ് പ്രദേശവാസികൾ മെറ്റിൽ കോരി ഒതുക്കി എങ്കിലും വീണ്ടും പഴയ സ്ഥിതി ആയിട്ടുണ്ട്.
ഇപ്പോൾ ഒരു വാഹനത്തിനു മാത്രമേ ഇതുവഴി കടന്നു പോകാൻ കഴിയൂ. ദിവസങ്ങൾക്ക് മുൻപ് മെറ്റിലിൽ കയറിയ ബൈക്ക് തെന്നി മറിഞ്ഞ് യുവാവിനു പരുക്കേറ്റിരുന്നു. റോഡ് വശത്ത് അലക്ഷ്യമായി കൂട്ടിയ മെറ്റിൽ കൂന മാറ്റാൻ പൊതുമരാമത്ത് വകുപ്പ്, പഞ്ചായത്ത് അധികൃതർ ഉടൻ നടപടി സ്വീകരിക്കണമെന്ന ആവശ്യം ശക്തമായി.
English Summary:
A pile of metal debris dumped on the Amaravila-Dhanuvachapuram road near Parassala, Kerala, is causing a major safety hazard. The debris, left unattended for over a month, obstructs a significant portion of the road, forcing vehicles into a single lane and causing accidents. Despite efforts by locals to clear the debris, it has reappeared, highlighting the urgent need for intervention by the Public Works Department and Panchayat authorities.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
