ഒാടിക്കൊണ്ടിരുന്ന ലോറിയിലെ െപെപ്പുകൾ റോഡിൽ തെറിച്ചുവീണു

വിഴിഞ്ഞം ∙ബൈപാസിൽ സർവീസ് റോഡിന്റെ കയറ്റിറക്ക ഭാഗത്ത് ഓടിക്കൊണ്ടിരുന്ന ലോറിയിൽ നിന്നു ഇരുമ്പ് െപെപ്പുകൾ റോഡിലേക്ക് തെറിച്ചു വീണു. പിന്നാലെ എത്തിയ കാർ ഉടൻ നിറുത്തിയതിനാൽ വലിയ അപകടം ഒഴിവായി. കോവളം - കാരോട് ബൈപ്പാസിന്റെ മുക്കോല– കല്ലുവെട്ടാൻ കുഴി സർവീസ് റോഡിൽ ഇന്നലെ വൈകിട്ടാണ് സംഭവം. കയറ്റിറക്ക റോഡിലൂടെ വന്ന ലോറിയിൽ ബന്ധിച്ചിരുന്ന കയർ പൊട്ടിയാണ് ഇരുമ്പ് െപെപ്പുകൾ റോഡിലേക്ക് തെറിച്ചു വീണത്.

പിന്നാലെ വന്ന കാറിലെ ഡ്രൈവർ സംഭവം കണ്ടയുടൻ പെട്ടെന്നു വാഹനം നിറുത്തിയതിനാൽ വൻ അപകടം ഒഴിവാകുകയായിരുന്നു. സംഭവത്തെ തുടർന്ന് ഈ റോഡിൽ കുറച്ചു നേരം ഗതാഗത തടസ്സമുണ്ടായി. അപകടാവസ്ഥയിലായിരുന്ന െപെപ്പുകൾ മറ്റൊരു ലോറി എത്തിച്ച് അതിലേക്ക് മാറ്റി.തമിഴ്നാട്ടിൽ നിന്നു പൂന്തുറയിലേക്ക് പോകുകയായിരുന്നു ലോറി.