തിരുവനന്തപുരം ജില്ലയിൽ ഇന്ന് (15-11-2024); അറിയാൻ, ഓർക്കാൻ
Mail This Article
അധ്യാപക ഒഴിവ്
ആര്യനാട്∙ മീനാങ്കൽ ഗവ.ട്രൈബൽ ഹൈസ്കൂളിൽ എച്ച്എസ്ടി ഇംഗ്ലിഷ് അധ്യാപക ഒഴിവിലേക്കുള്ള അഭിമുഖം 16ന് 11ന് .
ചാല ∙ തമിഴ് വി ആൻഡ് എച്ച്എസ്എസ് ഹൈസ്കൂൾ വിഭാഗത്തിൽ ദിവസവേതന അടിസ്ഥാനത്തിൽ എച്ച്എസ്ടി ഹിന്ദി താൽക്കാലിക ഒഴിവുണ്ട്. അഭിമുഖം ഇന്ന് 11 ന് ഓഫിസിൽ .
നെടുമങ്ങാട്∙ ഐടിഡിപി ഓഫിസിന്റെ നിയന്ത്രണത്തിൽ ഞാറനീലിയിൽ പ്രവർത്തിക്കുന്ന എംഡബ്ല്യുടിസിയിൽ കമ്യൂണിക്കേറ്റീവ് ഇംഗ്ലിഷ് അധ്യാപക ഒഴിവിലേക്കും അമ്പൂരി കുട്ടമലയിൽ പ്രവർത്തിക്കുന്ന ഐടിഐയിൽ എംപ്ലോയബിലിറ്റി സ്‌കിൽ ഇൻസ്ട്രക്ടറുടെ ഒഴിവിലേക്കും അഭിമുഖം 22ന് യഥാക്രമം രാവിലെ 10നും 11നും ഐടിഡിപി ഓഫിസിൽ നടക്കും ഫോൺ: 0472-2812557.
ജോലി ഒഴിവ്
വിഴിഞ്ഞം∙കേന്ദ്ര സമുദ്ര മത്സ്യ ഗവേഷണ കേന്ദ്രത്തിന്റെ വിഴിഞ്ഞം മേഖല കേന്ദ്രത്തിൽ കരാർ അടിസ്ഥാനത്തിലുള്ള പ്രോജക്ട് അസിസ്റ്റന്റിന്റെ ഒഴിവിലേക്ക് അപേക്ഷ ക്ഷണിച്ചു. വിവരങ്ങൾക്ക്: www.cmfri.org.in, ഫോൺ: 0471 2480224.
അറിയിപ്പുകൾ
ശുദ്ധജല കണക്‌ഷൻ
തിരുവനന്തപുരം ∙ അമൃത് 2.0 പദ്ധതിയിൽപെടുത്തി കോർപറേഷനിലെ പുന്നയ്ക്കാമുകൾ,പൂജപ്പുര,കരമന,മുടവൻമുകൾ,കാലടി,നെടുങ്കാട്,ആറന്നൂർ വാർഡുകളിൽ സൗജന്യ ഗാർഹിക ശുദ്ധജല കണക്‌ഷൻ നൽകുന്ന പദ്ധതി 100% പൂർത്തിയാക്കുന്നതിന്റെ ഭാഗമായി ഇനിയും സൗജന്യ ഗാർഹിക കണക്‌ഷൻ ലഭിക്കാത്തവർ അപേക്ഷ നൽകണം. 20ന് മുൻപ് കരമന ജല അതോറിറ്റി സെക്‌ഷൻ ഓഫിസിലോ വാർഡ് കൗൺസിലറെയോ സമീപിച്ച് അപേക്ഷ നൽകാം.
ജലവിതരണം മുടങ്ങും
കാട്ടാക്കട ∙ കാളിപ്പാറ,നെയ്യാറ്റിൻകര ജലശുദ്ധീകരണ ശാലകളിൽ ശുചീകരണ പ്രവൃത്തികൾ നടക്കുന്നതിനാൽ 19,20,21 തീയതികളിൽ ജല അതോറിറ്റി കാട്ടാക്കട, പാറശാല, നെയ്യാറ്റിൻകര, ആറാലുംമൂട് സെക്‌ഷൻ പരിധിയിൽ ജലവിതരണം മുടങ്ങുമെന്ന് അസി.എൻജിനീയർ അറിയിച്ചു.
ക്വിസ് മത്സരം
മലയിൻകീഴ്∙ മണപ്പുറം ഗ്രാമസ്വരാജ് ഗ്രന്ഥശാലയിൽ 17ന് ഉച്ചയ്ക്ക് 2.30ന് മലയാള സാഹിത്യം,ഗ്രന്ഥശാലാ പ്രസ്ഥാനം എന്നീ വിഷയങ്ങൾ ഉൾപ്പെടുത്തി ക്വിസ് സംഘടിപ്പിക്കുന്നു. രണ്ടു പേരടങ്ങുന്ന ടീമിന് പങ്കെടുക്കാം.8590054436
പ്രവേശനം തുടങ്ങി
ചാക്ക∙ ഗവ.ഐടിഐ ഇൻസ്റ്റിറ്റ്യൂട്ട് മാനേജ്മെന്റ് കമ്മിറ്റിയുടെ ഇന്റർനാഷനൽ ഡിപ്ലോമ ഇൻ എയർ കാർഗോ ഷിപ്പിങ് ആൻഡ് ലോജിസ്റ്റിക്സ് മാനേജ്മെന്റ് കോഴ്സിന്റെ അടുത്ത ബാച്ചിലേക്ക് പ്രവേശനം തുടങ്ങി. 9074303488.
ചിത്രരചനാ മത്സരം
തിരുവനന്തപുരം∙ ഓൾ കേരള ബാങ്ക് എംപ്ലോയീസ് ഫെഡറേഷന്റെ കലാ സാംസ്കാരിക വിഭാഗം തരംഗം തിരുവനന്തപുരം നടത്തുന്ന കുട്ടികളുടെ ചിത്രരചനാ മത്സരം 3 വിഭാഗങ്ങളിലായി 17ന് തിരുവനന്തപുരം പുളിമൂട് ടികെവി മെമ്മോറിയൽ ബാങ്ക് എംപ്ലോയീസ് ഹാളിൽ നടത്തും. സർട്ടിഫിക്കറ്റും വിജയികൾക്ക് കാഷ് അവാർഡും നൽകും. 9.30ന് റജിസ്ട്രേഷൻ. 88485 46971
ഓവർഹെഡ് ലൈനിൽ ജോലി ഇന്നു മുതൽ 22 വരെ വൈദ്യുതി തടസ്സപ്പെടും
വെഞ്ഞാറമൂട് ∙ ആറ്റിങ്ങൽ സബ് സ്റ്റേഷനിൽ നിന്ന് വെഞ്ഞാറമൂട് സബ് സ്റ്റേഷൻ വരെയുള്ള ഓവർഹെഡ് ലൈൻ കവേഡ് കണ്ടക്ടർ ആക്കുന്നതിന്റെ ഭാഗമായുള്ള ജോലികൾക്കായി ഇന്നു മുതൽ 22 വരെ അവനവഞ്ചേരി, വെഞ്ഞാറമൂട്, വാമനപുരം, കന്യാകുളങ്ങര ഇലക്ട്രിക്കൽ സെക്‌ഷൻ ഓഫിസിന്റെ പരിധിയിൽ വരുന്ന സ്ഥലങ്ങളിൽ ഈ ദിവസങ്ങളിൽ രാവിലെ 8 മുതൽ 5 വരെ വൈദ്യുതി വിതരണം പൂർണമായോ ഭാഗികമായോ തടസ്സപ്പെടും.
