തിരുവനന്തപുരം ജില്ലയിൽ ഇന്ന് (18-11-2024); അറിയാൻ, ഓർക്കാൻ
Mail This Article
ഇന്ന്
∙ഒറ്റപ്പെട്ട ഇടങ്ങളിൽ മിന്നലോടു കൂടിയ ശക്തമായ മഴയ്ക്കു സാധ്യത.
∙മത്സ്യത്തൊഴിലാളികളും തീരദേശവാസികളും ജാഗ്രത പാലിക്കണം.
ആദരവും മെഡിക്കൽ ക്യാംപും
ഭരതന്നൂർ ∙ വ്യാപാരി വ്യവസായി ഏകോപന സമിതി ഭരതന്നൂർ യൂണിറ്റിന്റെ നേതൃത്വത്തിൽ മികവ് ആദരവും സൗജന്യ മെഡിക്കൽ ക്യാംപും 23ന് നടക്കും. കെഎസ്ഇബി ചീഫ് വിജിലൻസ് ഓഫിസർ ബി.കെ.പ്രശാന്തൻ ഉദ്ഘാടനം ചെയ്യും. എം.കാസിംപിള്ള അധ്യക്ഷത വഹിക്കും. വെള്ളനാട് സുകുമാരൻനായർ, ചായം ധർമരാജൻ എന്നിവർ ഉപഹാര സമർപ്പണം നടത്തും. മെഡിക്കൽ ക്യാംപിൽ പേര് മുൻകൂട്ടി റജിസ്റ്റർ ചെയ്യണം. 9446368050, 9495406341.
രാസവളം വിതരണം
വർക്കല ∙ കേരഗ്രാമം പദ്ധതി പ്രകാരം തെങ്ങിനുള്ള രാസവളം വിതരണത്തിന്റെ ഉദ്ഘാടനം വർക്കല കൃഷിഭവനിൽ ഇന്ന് 10 ന് നഗരസഭ അധ്യക്ഷൻ കെ.എം.ലാജി നിർവഹിക്കും. വാർഡ് കൗൺസിലർമാരിൽ നിന്നു ലഭിക്കുന്ന അപേക്ഷയോടൊപ്പം വസ്തുവിന്റെ കരം ഒടുക്കിയ രസീതും റേഷൻകാർഡ് കോപ്പിയും സഹിതം കൃഷിഭവനിൽ സമർപ്പിച്ച് വളം വാങ്ങാവുന്നതാണ്.
