ഭരണഘടന ദിനാചരണം: റിട്ട. ജസ്റ്റിസ് ജെ.ചെലമേശ്വര്‍ മുഖ്യാതിഥി
Mail This Article
×
തിരുവനന്തപുരം∙ സംസ്ഥാന സര്‍ക്കാരിനു കീഴിലെ പാര്‍ലമെന്ററികാര്യ ഇന്‍സ്റ്റിറ്റ്യുട്ടിന്റെ നേതൃത്വത്തില്‍ ഗവ. ലോ കോളജുമായി സഹകരിച്ച് സംഘടിപ്പിക്കുന്ന ഭരണഘടന ദിനാചരണത്തിന്റെ മുഖ്യാതിഥിയായി സുപ്രീം കോടതി മുന്‍ ജഡ്ജി ജസ്റ്റിസ്. ജെ.ചെലമേശ്വര്‍ പങ്കെടുക്കും. 26 ന് വൈകിട്ട് 4 മണിക്ക് തിരുവനന്തപുരം ഗവ. ലോ കോളജിലെ സെമിനാര്‍ ഹാളില്‍ നടക്കുന്ന പരിപാടി മന്ത്രി ഒ.ആര്‍.കേളു ഉദ്ഘാടനം ചെയ്യും. വട്ടിയൂര്‍ക്കാവ് എംഎല്‍എ വി.കെ.പ്രശാന്ത് അധ്യക്ഷത വഹിക്കും. 'ഇന്ത്യയിലെ കഴിഞ്ഞ 75 വര്‍ഷത്തെ നിയമ വാഴ്ചയും ഭരണഘടനാപരമായ ഭരണനിർവഹണവും' എന്ന വിഷയത്തിൽ ജസ്റ്റിസ്.ജെ.ചെലമേശ്വര്‍ പ്രഭാഷണം നടത്തും. പാര്‍ലമെന്ററികാര്യ വകുപ്പ് പ്രിന്‍സിപ്പല്‍ സെക്രട്ടറി ഡോ.രാജുനാരായണ സ്വാമി, മുന്‍ എം.പി. ഡോ.എ.സമ്പത്ത്, മാധ്യമ പ്രവര്‍ത്തകന്‍ എസ്.ആര്‍.ശക്തിധരന്‍ തുടങ്ങിയവർ പങ്കെടുക്കും.
English Summary:
The Government Law College, Thiruvananthapuram, will host a Constitution Day celebration featuring a keynote address by former Supreme Court Judge Justice J. Chelameswar on "75 Years of Rule of Law and Constitutional Governance in India.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.