തൃശ്ശൂർ ജില്ലയിൽ ഇന്ന് (05-11-2024); അറിയാൻ, ഓർക്കാൻ

ജൈവ കർഷകർക്ക് ക്ലാസ് നടത്തും: കുന്നംകുളം ∙ ആർത്താറ്റ് കൃഷിഭവൻ 14നു ജൈവ കർഷകർക്ക് പിജിഎസ് രേഖ എങ്ങനെ നേടാം വിഷയത്തിൽ ക്ലാസ് നടത്തും. അഞ്ഞൂർ, ആർത്താറ്റ് എന്നീ വില്ലേജുകളിൽ 5 മുതൽ 5 ഏക്കർ വരെ സ്ഥലത്ത് ജൈവക്കൃഷി ചെയ്യുന്ന കർഷകർക്കും കൃഷിക്കൂട്ടം അംഗങ്ങൾക്കും പങ്കെടുക്കാമെന്ന് കൃഷി ഓഫിസർ അറിയിച്ചു. 9544231671.

വൈദ്യുതി മുടക്കം
ചേലക്കര ∙ കുറുമല, വട്ടുള്ളി, തോന്നൂർക്കര കിഴക്കുമുറി മേഖലകളിൽ ഇന്ന് 9 മുതൽ 12 വരെ വൈദ്യുതി മുടങ്ങും.

അധ്യാപക ഒഴിവ്
കാട്ടൂർ∙ ഗവ. ഹയർസെക്കൻഡറി സ്കൂളിൽ ഹയർസെക്കൻഡറി വിഭാഗം ഇംഗ്ലിഷ് സീനിയർ , മലയാളം ജൂനിയർ താൽക്കാലിക അധ്യാപക ഒഴിവിലേക്കുള്ള കൂടിക്കാഴ്ച 7ന് 10ന് നടക്കും. ഉദ്യോഗാർഥികൾ സർട്ടിഫിക്കറ്റുകളുമായി എത്തണം.
പെരുമ്പിലാവ് ∙ ടിഎംവിഎച്ച്എസ് സ്കൂളിൽ ഹൈസ്കൂൾ വിഭാഗത്തിൽ ദിവസവേതനാടിസ്ഥാനത്തിൽ നാച്വറൽ സയൻസ് അധ്യാപക ഒഴിവുണ്ട്. അഭിമുഖം7നു  3ന് സ്കൂൾ ഓഫിസിൽ. ഫോൺ: 9447513013.

ശുദ്ധജല വിതരണം മുടങ്ങും
ചാലക്കുടി ∙ ജല അതോറിറ്റിയുടെ ശുദ്ധജല വിതരണം നഗരസഭയിലെ ലോ ലവൽ പ്രദേശങ്ങളിൽ ഇന്നു തടസ്സപ്പെടുമെന്ന് അധികൃതർ അറിയിച്ചു.

ഡിപ്ലോമ ഇൻ ഹോസ്പിറ്റൽ അഡ്മിനിസ്ട്രേഷൻ
ചാലക്കുടി ∙ ഗവ. വനിതാ ഐടിഐയിൽ ഐഎംസി നടത്തുന്ന, പ്ലസ്ടു മുതൽ യോഗ്യതകൾ ഉള്ളവർക്കായുള്ള തൊഴിലധിഷ്ഠിത പ്ലേസ്മെന്റ് സപ്പോർട്ടോടു കൂടിയ ഇന്റർനാഷനൽ ഡിപ്ലോമ ഇൻ ഹോസ്പിറ്റൽ അഡ്മിനിസ്ട്രേഷൻ കോഴ്സിലേക്ക് അഡ്മിഷൻ ആരംഭിച്ചു. ആൺകുട്ടികൾക്കും പെൺകുട്ടികൾക്കും അപേക്ഷിക്കാം. ഫോൺ: 6238474389.